ٸٸٸ توقساننان باستاپ بٸتٸرۋشٸ سىنىپتار (9, 11 (12) سىنىپتار) ارالاس وقىتۋعا كٶشەدٸ. بۇل تۋرالى ورتالىق كوممۋنيكاتسييالار ورتالىعىندا ٶتكەن ەلدەگٸ ەپيدەميولوگييالىق جاعداي تۋرالى بريفينگٸدە ايتىلدى, دەپ حابارلايدى "ۇلت اقپارات".
«پاندەمييا كەزٸندە ەلٸمٸزدەگٸ وقۋ ورىندارى وقۋ پروتسەسٸن قايتا قارادى. ٶزدەرٸڭٸز بٸلەسٸزدەر, وقۋ جىلى باستالعالى بالالار قاشىقتان بٸلٸم الۋدا, تەك 1-5 سىنىپتار مەن 180 وقۋشىسى بار مەكتەپتەر وفلاين رەجيمدە وقىدى, ال ٸٸ توقساندا 300 وقۋشىسى بار مەكتەپتەر دەستٷرلٸ وقىتۋ فورماتىنا اۋىستى, 1-دەن 5-سىنىپقا دەيٸن, حالىقارالىق مەكتەپتەردە 7-سىنىپقا دەيٸن كەزەكشٸ سىنىپتا وقۋعا رۇقسات ەتٸلدٸ», - دەيدٸ قر دەنساۋلىق ساقتاۋ مينيسترٸ الەكسەي تسوي.
سونداي-اق, ول ٸٸٸ توقساننان باستاپ بٸتٸرۋشٸ سىنىپتارعا (9, 11 (12) سىنىپتار) ارالاس وقىتۋعا كٶشەتٸنٸن ايتتى.
«ال كوللەدج بەن جوعارى وقۋ ورىندارىنىڭ بٸرٸنشٸ كۋرس ستۋدەنتتەرٸنە وقۋ جىلىنىڭ ەكٸنشٸ سەمەسترٸنەن باستاپ شتاتتىق وقىتۋعا رۇقسات ەتٸلەدٸ. وقۋ جىلىنىڭ باسىنان 3 972 وقۋشى كۆي جۇقتىردى, ونىڭ 1047-ٸ كەزەكشٸ سىنىپتاردا وقيتىن بالا, بۇل وفلاين رەجيمدە بٸلٸم الۋشىلاردىڭ جالپى سانىنىڭ 0,1% (840 623 بالا كەزەكشٸ سىنىپتاردا وقيدى), 2925 قاشىقتىقتان بٸلٸم الاتىن بالا (0,1%, 2 563 995 بالا قاشىقتان وقيدى)», - دەيدٸ ول.
