قر ٸٸم ەكٸمشٸلٸك پوليتسييا كوميتەتٸ تٶراعاسىنىڭ ورىنباسارى سەرٸك تٷسٸپوۆ قاۋٸپسٸزدٸكتٸ ساقتاۋ ٷشٸن كٶلٸكتٸ قىسقا قالاي دايىنداۋ كەرەكتٸگٸن تٷسٸندٸردٸ, دەپ حابارلايدى قازاقپارات.
«قىستىگٷنٸ مٸنسٸز جٷرەتٸندەي كٶلٸكتٸ دايىنداپ العان جٶن. ەلبەتتە, ەڭ بٸرٸنشٸ كەزەكتە جازدىق دٶڭگەلەكتٸ قىستىق دٶڭگەلەككە اۋىستىرساڭىز, ول جولدا قاۋٸپسٸزدٸكتٸڭ ساقتالىپ, اۆتوكٶلٸكتٸڭ قوزعالىس ٶتٸمدٸلٸگٸن ارتتىرۋعا سەپ بولادى. دٶڭگەلەكتٸڭ «تٸكەنەكتٸ» نەمەسە «ٷيكەلٸستٸ» تٷرٸن ناقتى ايماقتىڭ ەرەكشەلٸگٸنە بايلانىستى تاڭداپ الۋ كەرەك. سونىمەن قاتار دەل قازٸر كٶلٸكتٸڭ جىلىتۋ جٷيەسٸنٸڭ, سىرتقا جارىق تٷسٸرۋ قۇرىلعىلارىنىڭ, تەرەزە تازارتقىشىنىڭ دۇرىستىعىن تەكسەرٸپ, اككۋمۋلياتور باتارەياسىن اۋىستىرعان ابزال», - دەدٸ ٸٸم باسپاسٶز مەسليحاتىندا سەرٸك تٷسٸپوۆ.
ونىڭ ايتۋىنشا, كٶلٸك قىزمەتٸنٸڭ اقاۋسىز بولۋى قوزعالىستىڭ جايلىلىعى مەن قاۋٸپسٸزدٸگٸن قامتاماسىز ەتٸپ, جول ٷستٸندەگٸ قاۋٸپتٸ سەيٸلتەدٸ.
«ديزەلدٸ وتىنمەن جٷرەتٸن, جولاۋشىلاردى نەمەسە جٷكتەردٸ تاسيتىن اۆتوكٶلٸكتەرگە جەكە توقتالسام دەيمٸن: ايازدى كٷنٸ ورتا جولدا قالماس ٷشٸن جىل مەزگٸلٸنە ساي ساپالى سولياركا قۇيعان دۇرىس. قىس باستالىسىمەن قۇتقارۋشىلار ايدالادا كٶلٸگٸ توقتاپ قالعان جٷرگٸزۋشٸلەردٸ قۇتقارۋمەن بولادى, ٶيتكەنٸ ولار قىسقا ارنالعان سولياركانىڭ ورنىنا جازدىعىن قۇيادى. وسىدان بارىپ ول قاتىپ قالادى دا كٶلٸك ارى قاراي جٷرە المايدى», - دەيدٸ ول.
سەرٸك تٷسٸپوۆ جٷك كٶلٸكتەرٸنٸڭ سىرعىپ كەتۋٸنە جول بەرمەيتٸن ارنايى قۇرىلعى بولۋى كەرەكتٸگٸن دە ەسكەرتتٸ. ونى جٷك كٶلٸگٸنٸڭ جٷرگٸزۋشٸلەرٸ ۇزاق ۋاقىتقا بٸر ورىندا, ەسٸرەسە تاۋلى جەردە توقتاعان كەزدە پايدالانادى.
