فوتو: Aif.ru
قازاقستاندا اگرەسسيۆتٸ جٷرگٸزۋ جەنە جول قوزعالىسى ەرەجەلەرٸن ٶرەسكەل بۇزۋ دەرەكتەرٸنە قاتىستى جاۋاپكەرشٸلٸك كٷشەيتٸلۋدە. پروكۋراتۋرا مەلٸمەتٸنشە, جىلدامدىقتى شامادان تىس ارتتىرۋ, قاۋٸپتٸ مانەۆر جاساۋ سيياقتى ەرەكەتتەر ازاماتتاردىڭ ٶمٸرٸ مەن دەنساۋلىعىنا ناقتى قاۋٸپ تٶندٸرەدٸ, دەپ حابارلايدى Ult.kz.
مۇنداي قۇقىق بۇزۋشىلىقتاردىڭ الدىن الۋ ٷشٸن تەك ايىپپۇل سالۋ جەتكٸلٸكسٸز بولعان جاعدايدا, جٷيەلٸ ەرٸ قاساقانا ەرەجە بۇزاتىن جٷرگٸزۋشٸلەرگە قاتاڭ شارالار قولدانىلادى. اتاپ ايتقاندا, ولاردىڭ ەرەكەتتەرٸ ەكٸمشٸلٸك قۇقىق بۇزۋشىلىق تۋرالى كودەكستٸڭ 434-بابى («ۇساق بۇزاقىلىق») بويىنشا قوسىمشا سارالانىپ, 15 تەۋلٸككە دەيٸن ەكٸمشٸلٸك قاماققا الۋ جازاسى قاراستىرىلادى.
قازٸردٸڭ ٶزٸندە وسى باپ بويىنشا بٸرنەشە جٷرگٸزۋشٸ جاۋاپكەرشٸلٸككە تارتىلعان. ولاردىڭ بارلىعى بۇعان دەيٸن بٸرنەشە رەت ايىپپۇل تٶلەگەنٸمەن, بۇل شارالار تيٸستٸ نەتيجە بەرمەگەن.
پروكۋراتۋرا ٶكٸلدەرٸ بۇل بٸر رەتتٸك جىلدامدىق اسىرۋ جاعدايلارى ەمەس ەكەنٸن اتاپ ٶتتٸ. ەڭگٸمە جول ەرەجەلەرٸن ەدەيٸ ەرٸ كٶرسەتٸپ بۇزاتىن, ٶزگەلەردٸڭ قاۋٸپسٸزدٸگٸنە نەمقۇرايلى قارايتىن جەنە كەيدە مۇنداي ەرەكەتتەرٸن ەلەۋمەتتٸك جەلٸلەردە جارييالايتىن جٷرگٸزۋشٸلەر تۋرالى بولىپ وتىر.
مۇنداي ەرەكەتتەر قوعامدىق تەرتٸپتٸ بۇزىپ, جول قوزعالىسىنىڭ باسقا قاتىسۋشىلارىنا قاۋٸپ تٶندٸرەدٸ. سوندىقتان ولار ۇساق بۇزاقىلىق رەتٸندە باعالانىپ, سوت ارقىلى جاۋاپكەرشٸلٸككە تارتىلادى.
استانا قالاسىنىڭ پروكۋرورى عابيت مۇقانوۆتىڭ ايتۋىنشا, قاساقانا قۇقىق بۇزۋشىلاردى وقشاۋلاۋ اگرەسسيۆتٸ جٷرگٸزۋگە تٶزبەۋشٸلٸكتٸ قالىپتاستىرۋعا جەنە جول-كٶلٸك وقيعالارىنىڭ سانىن ازايتۋعا باعىتتالعان.
ەلوردا پروكۋراتۋراسى جٷرگٸزۋشٸلەردٸ جول قوزعالىسى ەرەجەلەرٸن قاتاڭ ساقتاۋعا جەنە جولداعى قاۋٸپسٸزدٸك ورتاق جاۋاپكەرشٸلٸك ەكەنٸن ۇمىتپاۋعا شاقىردى.
