مەملەكەتتٸك كٸرٸستەر كوميتەتٸ كٶلٸك قۇرالدارىن ساتىپ الۋ-ساتۋ كەزٸندە كەلٸسٸمشارتتا مٷلٸكتٸڭ ناقتى باعاسىن كٶرسەتپەيتٸن ازاماتتارعا ەسكەرتۋ جاسادى, دەپ حابارلايدى ult.kz "ينفورمبيۋرو" باعدارلاماسىنا سٸلتەمە جاساپ.
ۆەدومستۆو مەلٸمەتٸنشە, كەيبٸر ازاماتتار سالىق تٶلەمەۋ ٷشٸن كٶلٸكتٸڭ قۇنىن قۇجات جٷزٸندە بٸرنەشە مىڭ تەڭگەگە دەيٸن تٶمەندەتٸپ رەسٸمدەيدٸ. الايدا مۇنداي ەرەكەت كەيٸن ساتىپ الۋشىعا ايتارلىقتاي قارجىلىق شىعىن ەكەلۋٸ مٷمكٸن.
قولدانىستاعى زاڭناماعا سەيكەس, ەگەر ازامات كٶلٸكتٸ ساتىپ العاننان كەيٸن ەكٸ جىل ٶتپەي قايتا ساتسا جەنە ودان پايدا تاپسا, تابىستىڭ 10 پايىزى مٶلشەرٸندە سالىق تٶلەۋگە مٸندەتتٸ. مىسالى, اۆتوكٶلٸك 10 ميلليون تەڭگەگە ساتىپ الىنىپ, بٸر جىلدان كەيٸن 13 ميلليون تەڭگەگە ساتىلسا, ٷش ميلليون تەڭگە كٶلەمٸندەگٸ تابىستان 300 مىڭ تەڭگە سالىق تٶلەنەدٸ.
الايدا كەيبٸر الىپساتارلار بۇل تالاپتان جالتارۋ ٷشٸن كەلٸسٸمشارتتا كٶلٸكتٸڭ باعاسىن ەدەيٸ تٶمەن كٶرسەتەدٸ. مەسەلەن, قۇجاتتا كٶلٸك قۇنى «1000 تەڭگە» دەپ جازىلۋى مٷمكٸن. مۇنداي جاعدايدا كەيٸن كٶلٸكتٸ نارىقتىق باعامەن ساتقان ساتىپ الۋشى ٷلكەن كٶلەمدەگٸ تابىس تاپقان بولىپ ەسەپتەلٸپ, قوماقتى سالىق تٶلەۋگە مەجبٷر بولادى.
سالىق ساراپشىسى ايدار ماساتباەۆتىڭ ايتۋىنشا, ازامات ناقتى پايدا كٶرمەسە دە, كەلٸسٸمشارتتاعى دەرەكتەرگە سٷيەنە وتىرىپ سالىق تٶلەۋگە مٸندەتتەلۋٸ ىقتيمال.
ٶز كەزەگٸندە الماتى قالاسى بويىنشا مەملەكەتتٸك كٸرٸستەر دەپارتامەنتٸنٸڭ باس ساراپشىسى قايرات تٷرٸمبەتوۆ باقىلاۋ تەتٸكتەرٸ كٷشەيتٸلٸپ جاتقانىن ايتتى. ونىڭ سٶزٸنشە, قارجىلىق وپەراتسييالاردى تەكسەرۋ بارىسىندا مۇنداي سەيكەسسٸزدٸكتەر انىقتالۋى مٷمكٸن.
سونداي-اق جاڭا سالىق كودەكسٸنە سەيكەس, مٷلٸكتٸ ساتۋدان تٷسكەن تابىس 36 ميلليون تەڭگەدەن اسقان جاعدايدا سالىق مٶلشەرلەمەسٸ 15 پايىزعا دەيٸن ٶسەدٸ.
وسىعان بايلانىستى مەملەكەتتٸك كٸرٸستەر كوميتەتٸ ازاماتتارعا كٶلٸك ساتىپ الۋ-ساتۋ كەزٸندە كەلٸسٸمشارتتاعى باعانىڭ شىنايى كٶرسەتٸلۋٸنە ەرەكشە نازار اۋدارۋعا كەڭەس بەردٸ.
