قر پارلامەنتٸ سەناتىندا پالاتا تٶراعاسىنىڭ ورىنباسارى اسقار شەكٸروۆتٸڭ تٶراعالىق ەتۋٸمەن حالىقارالىق قاتىناستار, قورعانىس جەنە قاۋٸپسٸزدٸك كوميتەتٸنٸڭ كەڭەيتٸلگەن وتىرىسى بولدى. «ۇلتتىق قاۋٸپسٸزدٸك تۋرالى» زاڭنىڭ كٶلٸك قاۋٸپسٸزدٸگٸن قامتاماسىز ەتۋ بٶلٸگٸنٸڭ ٸسكە اسىرۋ بارىسىن تالقىلاۋ كٷن تەرتٸبٸندەگٸ نەگٸزگٸ مەسەلە بولدى, دەپ حابارلايدى "ۇلت اقپارات" سەناتتىڭ باسپاسٶز قىزمەتٸنە سٸلتەمە جاساپ.
تٶراعا ورىنباسارى ٶز سٶزٸندە مەملەكەت باسشىسى سەرپٸندٸ ينفراقۇرىلىمدىق جوبالار, قىزمەت كٶرسەتۋ دەڭگەيٸ مەن ترانزيت باعىتتارداعى جىلدامدىقتى ارتتىرۋ ەسەبٸنەن قازاقستاننىڭ بەسەكەگە قابٸلەتتٸلٸگٸن ارتتىرۋ ماقساتىن العا قويعانىن ەسكە سالدى. اتاپ ايتقاندا, 24 مىڭ شاقىرىم جولدى, ياعني بارلىق رەسپۋبليكالىق جولدار مەن ونداعى قىزمەت كٶرسەتۋلەردٸ 2025 جىلعا دەيٸن قايتا قۇرۋ جەنە قامتاماسىز ەتۋ مٸندەتٸ قويىلدى.
سەناتورلار وسىعان دەيٸن ٷكٸمەت اتىنا جولداعان دەپۋتاتتىق ساۋالىندا ەلٸمٸزدٸڭ ترانزيتتٸك ەلەۋەتٸن دامىتۋ مەسەلەسٸن ايتقان بولاتىن.
«كٶلٸك قاۋٸپسٸزدٸگٸن قامتاماسىز ەتۋ دەڭگەيٸنٸڭ جەتكٸلٸكسٸزدٸگٸ, وسى سالاداعى مەملەكەتتٸك ساياساتقا حالىقتىڭ ريزاشىلىق دەڭگەيٸنٸڭ تٶمەندٸگٸ سالاداعى ماڭىزدى پروبلەمالاردىڭ بٸرٸ بولىپ تابىلادى. كٶلٸكتەگٸ قاۋٸپسٸزدٸك دەڭگەيٸن ارتتىرۋدى مەملەكەتتٸك ساياساتتاعى باسىم مٸندەتتەردٸڭ بٸرٸ رەتٸندە قاراستىرۋ قاجەت», - دەدٸ اسقار شەكٸروۆ.
وتىرىس بارىسىندا باس پروكۋراتۋرانىڭ, ۇلتتىق قاۋٸپسٸزدٸك كوميتەتٸنٸڭ, يندۋسترييا جەنە ينفراقۇرىلىمدىق دامۋ, سىرتقى ٸستەر جەنە قورعانىس مينيسترلٸكتەرٸنٸڭ, باسقا دا مەكەمەلەر مەن قوعامدىق ۇيىمداردىڭ ٶكٸلدەرٸ قاتىستى.
سەناتورلار كٶلٸك قاۋٸپسٸزدٸگٸ سالاسىنداعى قۇقىقتىق, ۇيىمداستىرۋ جەنە تەحنيكالىق پروبلەمالار, سونداي-اق بەلگٸلەنگەن مەسەلەلەردٸ شەشۋ جٶنٸندەگٸ قابىلدانىپ جاتقان شارالار تۋرالى حاباردار ەتٸلدٸ. اتاپ ايتقاندا, سالالىق زاڭنامانى ٸسكە اسىرۋ بارىسى, ەۋە كەمەلەرٸن پايدالانۋشىلاردىڭ سەرتيفيكاتتاۋ تالاپتارىنا تٷزەتۋلەر بويىنشا باستاما جاساۋ, كٶلٸك سالاسىنا ينۆەستيتسييا تارتۋ جٶنٸندەگٸ حالىقارالىق ىنتىماقتاستىقتى كەڭەيتۋ تۋرالى ايتىلدى.
