ادامدى كٶلٸكتٸڭ ارتىنا بايلاپ سٷيرەپ بارا جاتقان ۆيدەو ەلەۋمەتتٸك جەلٸدە تاراعان. وسىعان بايلانىستى پاۆلودار پوليتسەيلەرٸ مەن-جايدى انىقتاپ, ارنايى تٷسٸنٸكتەمە بەردٸ, دەپ حابارلايدى "ۇلت اقپارات" Polisia.kz سايتىنا سٸلتەمە جاساپ.
پوليتسەيلەر جان شوشىرلىق ۆيدەونى ەلەۋمەتتٸك جەلٸلەرگە مونيتورينگ كەزٸندە Telegram-كانالداردىڭ بٸرٸنەن بايقاعان.
«اتالعان ۆيدەو بويىنشا تەكسەرٸس جٷرگٸزٸلدٸ. اتاپ ايتقاندا, 11 مامىردا ەلەۋمەتتٸك جەلٸلەردٸ مونيتورينگٸلەۋ كەزٸندە تەرتٸپ ساقشىلارى پاۆلودار قالاسىندا نازارباەۆ داڭعىلى مەن تولستوي كٶشەسٸنٸڭ قيىلىسىندا تٷسٸرٸلگەن ۆيدەونى انىقتادى. وندا اۆتوكٶلٸك ادامعا ۇقسايتىن ەلدەنەنٸ سٷيرەپ بارا جاتقانى كٶرٸنەدٸ. بۇل فاكتٸ پاۆلودار قالاسىنىڭ پوليتسييا باسقارماسىندا تٸركەلدٸ. انىقتالعانداي, ۆيدەو 2019 جىلى پاۆلوداردا «اFA» فيلمٸنٸڭ تٷسٸرٸلٸمٸ كەزٸندە جاسالعان. اۆتوكٶلٸككە ادامنىڭ مانەكەنٸ بايلانعان. فيلمدٸ تٷسٸرۋ كەزٸندە ەشكٸم زارداپ شەككەن جوق», – دەپ حابارلادى پاۆلودار وبلىسى پوليتسييا دەپارتامەنتٸ باستىعىنىڭ بٸرٸنشٸ ورىنباسارى جاسقايرات قايىروۆ.
ەسكە سالايىق, پاۆلوداردا «ارتىنا ادامدى بايلاپ, سٷيرەپ بارا جاتقان» كٶلٸك تۋرالى ۆيدەو تاراعانىن بۇعان دەيٸن جازعان بولاتىنبىز.
پوليتسييا اتالعان فاكتٸگە قاتىسى بار تۇلعالار مەن كۋەگەرلەردٸ انىقتاۋعا بٸردەن كٸرٸستٸ. سونداي-اق وبلىستىق پوليتسييا دەپارتامەنتٸ ۆيدەونى تٷسٸرگەن كۋەگەرلەردەن «102» نەمەسە 87774586688 نٶمٸرٸنە حابارلاسۋدى سۇرادى. قۇپييالىلىق ساقتالاتىنىنا كەپٸلدٸك بەرٸلدٸ.
