نۇر-سۇلتان قالاسىنىڭ ەكٸمٸ التاي كٶلگٸنوۆ نۇر-سۇلتان اتاۋىن استانا دەپ ٶزگەرتۋ تۋرالى ايتتى, - دەپ حابارلايدى Tengrinews.kz.
ەكٸمنٸڭ ايتۋىنشا, بيىل ەلوردا اتاۋىن ٶزگەرتۋگە كەتەتٸن شىعىن 2019 جىلمەن سالىستىرعاندا ەلدەقايدا از بولادى.
"2019 جىلدىڭ بيۋدجەتٸن قارادىق, قالا اتاۋى ٶزگەرگەن كەزدە, قاعاز جٷزٸندە كٶپ پروتسەسس بولدى. قازٸر كٶپشٸلٸگٸ, ٸس جٷزٸندە بارلىق قۇجات ونلاين رەجيمٸندە جٷرگٸزٸلەدٸ, سوندىقتان شىعىندار ەلدەقايدا از بولادى. 2019 جىلى ەسەپتەدٸك – شامامەن 30 ميلليون تەڭگە. بۇل - ماڭدايشالار, بلانكتەر. قازٸر مəسليحات وسىنداي شەشٸم قابىلداسا, بəرٸن بٸر كٷندە ٶزگەرتكەلٸ جاتقان جوقپىز", - دەپ جاۋاپ بەردٸ كٶلگٸنوۆ بەيبٸتشٸلٸك پەن كەلٸسٸم ساياباعىندا ٶتكەن اعاش وتىرعىزۋ سالتاناتىندا.
جۋرناليستەر ەكٸمنەن قالاعا بۇرىنعى اتاۋىنىڭ قايتارىلۋىنا بايلانىستى قانداي سەزٸمدە ەكەنٸن سۇرادى.
"قالا تاريحىنا ٷڭٸلۋ كەرەك. قالامىز تسەلينوگراد, اقمولا, استانا, نۇر-سۇلتان دەپ اتالدى, قازٸر اتاۋى قايتا ٶزگەرتٸلٸپ جاتىر. ەربٸر تاريحي كەزەڭگە قۇرمەتپەن قاراۋ كەرەك دەپ ويلايمىن. بٸرەۋ تسەلينوگرادتا, بٸرەۋ اقمولادا تۋىپ ٶستٸ. مىسالى, مەنٸڭ بالالارىم استانادا دٷنيەگە كەلدٸ, قازٸر مەن نۇر-سۇلتان قالاسىنىڭ ەكٸمٸمٸن, سوندىقتان ەر كەزەڭگە ٷلكەن قۇرمەتپەن قاراۋ كەرەك. بٸز ٷشٸن ەڭ باستىسى - قوعامنىڭ پٸكٸرٸ. ۇسىنىس ايتىلدى, قازٸر بەرٸ مۇنى تالقىلاپ, رەسٸمدەر جٷرگٸزٸلٸپ جاتىر", - دەپ جاۋاپ بەردٸ التاي كٶلگٸنوۆ.
