بٷگٸن سۋ تاسقىنى جاعدايىنا مونيتورينگ جاساۋ ماقساتىندا ەلوردانىڭ شەكارا ماڭىنداعى اۋماقتارىن ۇشاقپەن شولۋ جٷرگٸزٸلدٸ. بۇل تۋرالى قازاقپارات قر ٸٸم تجك باسپاسٶز قىزمەتٸنە سٸلتەمە جاساپ حابارلايدى.
28 ناۋرىز كٷنٸ قر ٸشكٸ ٸستەر مينيسترٸنٸڭ ورىنباسارى يۋريي يلين, تٶتەنشە جاعدايلار كوميتەتٸ, ەگتپم سۋ رەسۋرستارى كوميتەتٸ, «كازگيدرومەت» رمك ٶكٸلدەرٸ ەلوردانىڭ شەكارا ماڭىنداعى اۋماقتارىنا ۇشاقپەن شولۋ جاسادى.
«شولۋ بارىسىندا استانالىق سۋرەتتەگٸشكە, ۆياچەسلاۆ سۋ قويماسىنا, قاجىمۇقان, تالاپكەر, قاراٶتكەل, يلينكا, تايتٶبە, قوسشى, قوياندى, پرەوبراجەنسك, قوشقارباەۆ, قابانباي باتىر ەلدٸ مەكەندەرٸنٸڭ اۋماقتارىنا اەروۆيزۋالدى تەكسەرۋ جٷرگٸزٸلدٸ», - دەلٸنگەن باسپاسٶز حابارلاماسىندا.
انىقتالعانداي, اۋماقتىڭ كٶپ بٶلٸگٸندە قار ەرۋ پروتسەسٸ تۇراقتى جٷرٸپ جاتىر. سونىمەن قاتار, اتالمىش شولۋ جۇمىسى استانا سۋ قويماسىنداعى سۋ اعىنىن الدىن الا ەسەپتەۋگە مٷمكٸندٸك بەردٸ.
«ەڭ الدىمەن, بٸز استانا سۋ قويماسى تولۋىنىڭ جاي-كٷيٸن بايقادىق. قازٸر بۇل سۋ قويماسى 53% تولدى, تاعى 200 ملن جۋىق تەكشە مەتر قور بار. بٷگٸن بايقاعانىمىزداي, سۋ قورى مەن قار جابىنىن ەسەپكە الا كەلە, بٶگەتتە 100% سۋ قورى جينالادى دەپ بولجاپ وتىرمىز. نۇر-سۇلتان قالاسىنىڭ تۇرعىندارى سۋسىز قالمايدى», - دەدٸ يۋريي يلين.
«قازگيدرومەت» رمك بولجامى بويىنشا كەلەسٸ اپتادا كٷندٸز جەنە تٷندە اۋا تەمپەراتۋراسى جوعارىلايدى, سوندىقتان دا قار قارقىندى ەريدٸ دەپ كٷتٸلۋدە. جەر سەرٸگٸ ارقىلى قاشىقتىقتان زوندتاۋ ارقىلى دا تەۋلٸك بويى مونيتورينگ جٷرگٸزٸلەدٸ.
«كٷشتەر مەن قۇرالداردىڭ قوسىمشا توبىن بٸز كەلەسٸ اپتانىڭ سوڭىنا قاراي وڭتٷستٸك ٶڭٸرلەردەن ورتالىق ٶڭٸرلەرگە, اتاپ ايتقاندا, اقمولا جەنە سولتٷستٸك قازاقستان وبلىستارىنا كٶشٸرۋگە دايىنبىز», - دەدٸ يۋريي يلين.
