قر ەنەرگەتيكا ۆيتسە-مينيسترٸ ەسەت ماعاۋوۆ 2021 جىلعى كٶكتەمگٸ دالا جۇمىستارىنا ديزەل وتىنىن جەتكٸزۋگە جۇمىستارىن باياندادى, دەپ حابارلايدى قازاقپارات.
«مۇناي ٶنٸمدەرٸنٸڭ جەكەلەگەن تٷرلەرٸن ٶندٸرۋدٸ جەنە ولاردىڭ اينالىمىن مەملەكەتتٸك رەتتەۋ تۋرالى» قر زاڭىنا سەيكەس ەنەرگەتيكا جەنە اۋىل شارۋاشىلىعى مينيسترلٸكتەرٸ «كٶكتەمگٸ ەگٸن جۇمىستارىن جٷرگٸزۋگە ديزەل وتىنىن جەتكٸزۋ بويىنشا وبلىستاردى مۇناي ٶڭدەيتٸن زاۋىتتارعا جەنە رەسۋرس ۇستاۋشىلارعا بەكٸتۋ كەستەسٸن» ەزٸرلەدٸ. كەستە اياسىندا اۋىل شارۋاشىلىعى تاۋارىن ٶندٸرۋشٸلەرگە پاۆلودار مۇناي-حيمييا زاۋىتى مەن «پەتروقازاقستان ويل پروداكتس» جشس-دان – تونناسىنا 174 مىڭ تەڭگەدەن, اتىراۋ مۇناي ٶڭدەۋ زاۋىتىنان – تونناسىنا 172 مىڭ تەڭگەدەن جەڭٸلدەتٸلگەن ديزەل بٶلٸنەدٸ. كەستە بويىنشا 380 مىڭ توننا ديزەل قاراستىرىلعان», - دەدٸ ەسەت ماعاۋوۆ ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
جەتكٸزۋدٸ جەنە باسقا دا شىعىنداردى ەسكەرە وتىرىپ, اۋىل شارۋاشىلىعى تاۋارىن ٶندٸرۋشٸلەرگە ديزەل باعاسى جانارماي قۇيۋ ستانسالارىنداعى بٶلشەك ساۋدا باعاسىنان 13-14%-عا (21-22 تەڭگە/ليتر) تٶمەن.
«اۋىل شارۋاشىلىعى تاۋارىن ٶندٸرۋشٸلەرگە (اشتٶ) مۇناي ٶڭدەۋ زاۋىتتارىنان ديزەلدٸ تيەپ-جٶنەلتۋگە باسىمدىق بەرٸلەدٸ. تيەپ-جٶنەلتۋ تەۋلٸك سايىن باقىلانادى جەنە قاداعالانادى. ايتا كەتۋ كەرەك, مينيسترلٸكتە اشتٶ ٷشٸن ديزەل وتىنىنا ارزانداتىلعان باعالاردى زاڭنامالىق بەكٸتۋ قۇزىرەتٸ جوق. بٸراق, ااۋىل شارۋاشىلىعىنىڭ مۇقتاجدىقتارى ٷشٸن ديزەل وتىنىنىڭ قۇنى جانار-جاعارماي نارىعىنا قاتىسۋشىلارمەن كەلٸسۋ جولىمەن ايقىندالادى جەنە رەسۋرس ۇستاۋشىلاردىڭ ٶزدەرٸ ەرٸكتٸ تٷردە بەلگٸلەيدٸ», - دەپ تٷسٸندٸردٸ ۆيتسە-مينيستر.
بيىلعى 9 ناۋرىزداعى جاعداي بويىنشا 11,3 مىڭ توننا ديزەل تيەپ-جٶنەلتٸلدٸ.
