بيىلعى جىلدىڭ جازىندا اقمولا وبلىستىق تاريحي-ٶلكەتانۋ مۇراجايىنىڭ قىزمەتكەرلەرٸ ٶڭٸردە بٸرنەشە ارحەولوگييالىق زەرتتەۋلەر جٷرگٸزۋدٸ جوسپارلاپ وتىر. سونىڭ ٸشٸندە كٶكشەتاۋدىڭ ٸرگەسٸندەگٸ كراسنويار اۋىلىندا ماڭىندا بوتاي مەدەنيەتٸ قونىسى ورنىندا قازبا جۇمىستارى بار, دەپ حابارلايدى "ۇلت اقپارات" اقمولا وبلىستىق مەدەنيەت, ارحيۆتەر جەنە قۇجاتتامالار باسقارماسىنا سٸلتەمە جاساپ.
اقمولا وبلىستىق تاريحي-ٶلكەتانۋ مۇراجايىنىڭ ديرەكتورى قۋانىش شاقشاقوۆتىڭ ايتۋىنشا, كراسنويار اۋىلى ماڭىندا نەوليت كەزەڭٸندەگٸ بوتاي مەدەنيەتٸنٸڭ قونىسى بولعانى بەلگٸلٸ. بۇل جەردە 2000 جىلداردىڭ باسىندا امەريكاندىقتار قازبا جۇمىستارىن جٷرگٸزدٸ. سودان كەيٸن سٷيەك ماتەريالدارى, ارتەفاكتٸلەر, قىش ىدىسىنىڭ سىنىقتارى, وستەولوگييالىق ماتەريالدار سيياقتى كٶنە ارحەولوگييالىق زاتتار تابىلعان.
«بٸراق سودان بەرٸ قازبا جۇمىستارى جٷرگٸزٸلگەن جوق. وسى جازدا بٸز زەرتتەۋدٸ قايتا باستاعىمىز كەلەدٸ. بۇل جەر بٸرنەشە قاتپاردان تۇرادى, اۋماعى ٷلكەن شامامەن 8-10 گەكتاردى الىپ جاتىر. بۇرىن بۇل جەردە 300-دەن استام ٷي بولعان. ادامدار وندا ٶتە ۇزاق ٶمٸر سٷرگەن - بٸر جىل ەمەس, ەكٸ جىل ەمەس, تٸپتٸ 100 جىل دا ەمەس», - دەيدٸ قۋانىش شاقشاقوۆ.
مۋزەي ديرەكتورىنىڭ ايتۋىنشا, قازبا جۇمىستارىن ليتسەنزيياسى مەن اككرەديتاتسيياسى بار مۋزەيدٸڭ ارحەولوگ ماماندارى جٷرگٸزەدٸ. ەكٸنشٸ ماڭىزدى ارحەولوگييالىق زەرتتەۋ «سارىارقانىڭ تاريحي-مەدەني مۇراسى – ەجەلگٸ جەنە ورتاعاسىرلىق مەدەنيەتتەردٸڭ ساباقتاستىعى» جوباسى بولماق.
«بۇرىنعى كٶكشەتاۋ, قازٸرگٸ اقمولا وبلىسى اۋماعىندا ەرتە تەمٸر عاسىرى كەزەڭٸ, ياعني سارمات ٶركەنيەتٸ ٸس جٷزٸندە جٷيەلٸ نەگٸزدە زەرتتەلمەگەن. تەك قازبا جۇمىستارى جٷرگٸزٸلگەن جەرلەر كەشەندٸ زەرتتەلگەن. 2020 جىلى بٸز «سارىارقانىڭ تاريحي-مەدەني مۇراسى – ەجەلگٸ جەنە ورتاعاسىرلىق مەدەنيەتتەردٸڭ ساباقتاستىعى» جوباسىن ۇسىندىق. 2021 جىلى بٸزدٸ وبلىس ەكٸمدٸگٸ مەن مەدەنيەت باسقارماسى قولدادى. مۇندا ەرتە تەمٸر دەۋٸرٸنٸڭ ەسكەرتكٸشتەرٸن – ساق-سارمات ٶركەنيەتٸن, سونداي-اق زەرتتەۋشٸلەردٸڭ نازارىنان تىس قالعان ورتا عاسىر كەزەڭٸن زەرتتەۋ باستى ورىن الادى» - دەپ قوستى قۋانىش شاقشاقوۆ.
وسىلايشا, زەرتتەۋشٸلەردەن اقمولا وبلىسىنىڭ اۋماعىندا ورتاعاسىرلىق قالاشىقتار, كەرۋەن-سارايلار, ەرتە ۇلى جٸبەك جولىنىڭ سوقپاقتارىن تابۋ كٷتٸلۋدە.
