Biylǵy jyldyń jazynda Aqmola oblystyq tarihi-ólketaný murajaiynyń qyzmetkerleri óńirde birneshe arheologiialyq zertteýler júrgizýdi josparlap otyr. Sonyń ishinde Kókshetaýdyń irgesindegi Krasnoiar aýylynda mańynda Botai mádenieti qonysy ornynda qazba jumystary bar, dep habarlaidy "Ult aqparat" Aqmola oblystyq mádeniet, arhivter jáne qujattamalar basqarmasyna silteme jasap.
Aqmola oblystyq tarihi-ólketaný murajaiynyń direktory Qýanysh Shaqshaqovtyń aitýynsha, Krasnoiar aýyly mańynda neolit kezeńindegi Botai mádenietiniń qonysy bolǵany belgili. Bul jerde 2000 jyldardyń basynda amerikandyqtar qazba jumystaryn júrgizdi. Sodan keiin súiek materialdary, artefaktiler, qysh ydysynyń synyqtary, osteologiialyq materialdar siiaqty kóne arheologiialyq zattar tabylǵan.
«Biraq sodan beri qazba jumystary júrgizilgen joq. Osy jazda biz zertteýdi qaita bastaǵymyz keledi. Bul jer birneshe qatpardan turady, aýmaǵy úlken shamamen 8-10 gektardy alyp jatyr. Buryn bul jerde 300-den astam úi bolǵan. Adamdar onda óte uzaq ómir súrgen - bir jyl emes, eki jyl emes, tipti 100 jyl da emes», - deidi Qýanysh Shaqshaqov.
Mýzei direktorynyń aitýynsha, qazba jumystaryn litsenziiasy men akkreditatsiiasy bar mýzeidiń arheolog mamandary júrgizedi. Ekinshi mańyzdy arheologiialyq zertteý «Saryarqanyń tarihi-mádeni murasy – ejelgi jáne ortaǵasyrlyq mádenietterdiń sabaqtastyǵy» jobasy bolmaq.
«Burynǵy Kókshetaý, qazirgi Aqmola oblysy aýmaǵynda erte temir ǵasyry kezeńi, iaǵni sarmat órkenieti is júzinde júieli negizde zerttelmegen. Tek qazba jumystary júrgizilgen jerler keshendi zerttelgen. 2020 jyly biz «Saryarqanyń tarihi-mádeni murasy – ejelgi jáne ortaǵasyrlyq mádenietterdiń sabaqtastyǵy» jobasyn usyndyq. 2021 jyly bizdi oblys ákimdigi men mádeniet basqarmasy qoldady. Munda erte temir dáýiriniń eskertkishterin – saq-sarmat órkenietin, sondai-aq zertteýshilerdiń nazarynan tys qalǵan orta ǵasyr kezeńin zertteý basty oryn alady» - dep qosty Qýanysh Shaqshaqov.
Osylaisha, zertteýshilerden Aqmola oblysynyń aýmaǵynda ortaǵasyrlyq qalashyqtar, kerýen-sarailar, erte Uly Jibek jolynyń soqpaqtaryn tabý kútilýde.
