كٶكشەتاۋدا بۇرشاق ارالاس نٶسەر جاڭبىردان قالا كٶشەلەرٸ مەن تۇرعىن ٷي اۋلالارىن سۋ باسىپ قالدى, دەپ حابارلايدى قازاقپارات.
جاڭبىر سۋى كٶلٸك قاتىناسىنا, ەسٸرەسە جاياۋ ادامداردىڭ قوزعالىسىنا قيىندىق تۋعىزدى.
قالا تۇرعىندارى سۋ باسقان ٷي اۋلالارىن ۆيدەوعا تٷسٸرٸپ, ەلەۋمەتتٸك جەلٸگە جارىسا جارييالادى. سونىڭ بٸرٸ – «ۆاسيلكوۆسكيي 27» شاعىن اۋدانىنىڭ تۇرعىنى الەكساندر بوندارەنكو.
«ەدەتتەگٸدەي, بٸزدەگٸ جەرتٶلەلەر سۋعا تولدى. تٸپتٸ, ٷيدەن شىعا الماي وتىرمىز», - دەيدٸ ول يۋتۋب-كانالىندا.
بەينەجازبادان ادامداردىڭ شالشىق سۋدى تٸزەدەن كەشٸپ بارا جاتقانىن كٶرۋگە بولادى.
قالاداعى بٸرقاتار كٶپپەتەرلٸ تۇرعىن ٷيدٸڭ تٶبەسٸنەن دە سۋ سورعالاپ, تۇرعىنداردى بٸراز ەبٸگەرگە سالدى. «ستانتسيوننىي» جەنە «جايلاۋ» شاعىناۋداندارىنداعى جەكەمەنشٸك ٷيلەردٸڭ اۋلاسىنا دا سۋ كەتكەنٸ بەلگٸلٸ بولدى. نازارباەۆ پەن سەۆەرنايا كٶشەلەرٸنٸڭ قيىلىسىندا شالشىق سۋ جينالدى. سونىمەن بٸرگە, ورتالىق بازار اۋماعىندا دا ساۋداگەرلەر مەن تۇرعىنداردىڭ قوزعالىسى قيىندادى.
