كٶكشەتاۋ قالالىق كٶپبەيٸندٸ اۋرۋحاناسىنىڭ جۇقپالى اۋرۋلار ستانتسونارىنان كوروناۆيرۋسپەن اۋىرعان جٷكتٸ ەيەلدەردٸڭ سوڭعىسى جازىلىپ شىقتى, دەپ حابارلايدى "ۇلت اقپارات" COVID-19 باسپاسٶز ورتالىعىنا سٸلتەمە جاساپ.
ۆەدومستۆونىڭ مەلٸمەتٸنشە, ەيەل جٷكتٸلٸكتٸڭ 41 اپتاسىندا قاناعاتتانارلىق جاعدايدا تٷسكەن. تالداۋ ونىڭ كوروناۆيرۋسقا شالدىققانىن راستادى.
«جٷكتٸ ەيەل تامىزدىڭ 13-دە تٷستٸ. ودان قاۋٸپتٸ دەرتتٸڭ بەلگٸلەرٸ بايقالمادى. ەيەل ٸشتەگٸ شارانانىڭ قيمىلى ەلسٸز ەكەنٸن ايتتى. ۋدز مەن كتگ كەيٸن «شارانانىڭ جاعدايى قاۋٸپتٸ» دياگنوزى قويىلدى», - دەيدٸ اكۋشەر-گينەكولوگ سارجان قالمۇراتوۆ.
دەرٸگەرلەر شۇعىل تٷردە كەسار تٸلٸگٸن جاساۋ ارقىلى ەيەلدٸ بوساندىرىپ الادى. سەبيدٸڭ دەنساۋلىعى جاقسى.
«نەرەستەنٸ دەرٸگەرلەر بٸردەن اناسىنان وقشاۋلاپ, باقىلاۋعا الدى. بٸزدٸڭ نەوناتولوگتار تەۋلٸك بويى سەبيدٸڭ جانىندا بولدى. ەم العان ۋاقىتتا اناسى مەن سەبيٸن باقىلاپ وتىرعان اكۋشەر اننا شەرەنگوۆسكانىڭ ەڭبەگٸن ەرەكشە اتاپ ٶتۋگە بولادى», - دەپ تولىقتىردى دەرٸگەر.
ارادا التى تەۋلٸك ٶتكەن سوڭ الىنعان قورىتىندى تالداۋ انا مەن بالانىڭ ساۋ ەكەنٸن كٶرسەتٸپ, ولار ٷيٸنە جٸبەرٸلدٸ.
«رەنگەنت زەرتتەۋ كەزٸندە بوسانعان ەيەلدٸڭ ٶكپەسٸ قابىنعانى بايقالمادى. سول سەبەپتٸ ول بالاسىمەن بٸرگە ٷيٸنە شىعارىلدى», - دەپ تولىقتىردى قالمۇراتوۆ.
جالپى, كٶكشەتاۋ قالالىق كٶپبەيٸندٸ اۋرۋحاناسىنىڭ جۇقپالى اۋرۋلار ستانتسونارى اشىلعاننان بەرٸ مۇندا 33 ەيەل (ونىڭ 22-سٸ كەسار تٸلٸگٸ ارقىلى) بوسانىپ, 34 سەبي دٷنيەگە كەلدٸ.
