كٶكشەتاۋدا العاش رەت «تە-Art-كٶكشە» حالىقارالىق فەستيۆالٸ باستاۋ الدى. 5 كٷنگە سوزىلاتىن فەستيۆال اياسىندا نۇر-سۇلتان, الماتى, اقتاۋ, اقتٶبە, تاراز بەن سەمەي قالالارىنىڭ ٷزدٸك شىعارماشىلىق ۇجىمدارى ٶنەر كٶرسەتەدٸ. مۇنىمەن قوسا, رەسەي مەن ۋكراينا ەلدەرٸنەن كەلگەن تەاترلاردىڭ سپەكتاكلدەرٸ دە ۇسىنىلادى.
حالىقارالىق بايقاۋ وبلىس ورتالىعىندا ورنالاسقان بٸرنەشە ٶنەر الاڭدارىندا ۇيىمداستىرىلادى. وبلىستىق ورىس دراما تەاترىنان بٶلەك, شاحمەت قۇسايىنوۆ اتىنداعى وبلىستىق قازاق مۋزىكالىق-دراما تەاترى, ٷكٸلٸ ىبىراي اتىنداعى وبلىستىق فيلارمونييا, «دوستار» مەن «كٶكشەتاۋ» مەدەنيەت سارايلارىندا فەستيۆال قاتىسۋشىلارى ٶز ٶنەرلەرٸن پاش ەتپەك. كەيبٸر قويىلىمدار اتالمىش ٶنەر وردالارىندا بٸر ۋاقىتتا ٶتەدٸ,-دەيدٸ فەستيۆالدٸڭ اشىلۋ سالتاناتىندا سٶز سٶيلەگەن ۇيىمداستىرۋشىلار.
«كەز كەلگەن تەاترلىق فەستيۆالگە اۋقىمدى شارا رەتٸندە قاراۋ كەرەك. سەبەبٸ, جان-جاقتان تەاتر مايتالماندارى جينالادى. بٸزدٸڭ كٶكشەتاۋ ٷشٸن بۇل ايتۋلى وقيعا. مۇنداي اۋقىمدى شارانى ٶتكٸزۋدٸ بٸزدٸڭ بارلىق وبلىس ورتالىقتارى ارماندايدى», - دەيدٸ اقمولا وبلىستىق ورىس دراما تەاترىنىڭ ديرەكتورى بەيبٸت باحتىگەرەەۆ.
فەستيۆالدٸڭ ەدٸل قازىلار ارقاسىنىڭ قۇرامىندا ٶنەرتانۋ كانديداتى, پروفەسسور, تەاتر سىنشىسى سەنييا قابديەۆا, گەرمانييا ەلٸنەن كەلگەن تەاترتانۋشى ەرٸ سىنشى نينا مازۋر, گرۋزييالىق تەاترتانۋشى, دوكتور لاشا چحارتيشۆيلي سىندى سىنشىلار بار. ولار ەر اكتەردٸڭ قويىلىم بارىسىنداعى كەسٸبي شەبەرلٸگٸنە قاراپ, 4 نوميناتسييا, ياعني, «ٷزدٸك ەيەل رٶلٸ», «ٷزدٸك ەر ادام رٶلٸ», «ٷزدٸك سپەكتاكل» مەن «ٷزدٸك ستسەناريي» بويىنشا باعا بەرەدٸ.
5 كٷنگە جالعاساتىن حالىقارالىق فەستيۆالدە بارلىعى 20-عا جۋىق سپەكتاكل ۇسىنىلادى. جەرگٸلٸكتٸ ٶنەرپازدار 2 قويىلىم كٶرسەتٸپ, ٶڭٸر نامىسىن قورعاماق. سونىڭ بٸرەۋٸ, راقىمجان وتارباەۆتىڭ «بەيبارىس» شىعارماسىمەن فەستيۆالدٸڭ اشىلۋ سالتاناتىندا ۇسىنىلدى. ال, فەستيۆالدٸڭ سوڭى ەلوردالىق تەاترلاردىڭ شىعارمالارىمەن, ياعني «شىڭعىس حان» مەن «ەكە» قويىلىمدارىمەن جابىلماق.
