كٶكشەتاۋدا بەس قاباتتى تۇرعىن ٷيدە گاز بالونى جارىلدى. سالدارىنان ەكٸ ادام زارداپ شەكتٸ, دەپ حابارلايدى قازاقپارات وبلىستىق تٶتەنشە جاعدايلار دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
ۆەدومستۆونىڭ مەلٸمەتٸنشە, تٶتەنشە جاعداي قازاننىڭ 12-دە كەشكٸ ساعات 19:05-تە كٶكتەم «5» مەكەن-جايى بويىنشا ورنالاسقان 5 قاباتتى تۇرعىن ٷيدٸڭ 2-شٸ قاباتىنداعى پەتەردە بولعان.
«وقيعا ورنىنا تجد جەكە قۇرامىنان 22 قىزمەتكەر مەن 6 ارنايى تەحنيكا, جەدەل جەردەم قىزمەتٸ بريگاداسىنىڭ 12 قىزمەتكەرٸ مەن 4 تەحنيكاسى, پوليتسييا باسقارماسىنىڭ 16 قىزمەتكەرٸ مەن 7 تەحنيكاسى جۇمىلدىرىلدى», - دەدٸ ۆەدومستۆودان.
ۆەدومستۆونىڭ باسپاسٶز قىزمەتٸنەن اتاپ ٶتكەندەي, جارىلىس سالدارىنان پەتەرلەر اراسىنداعى گيپسوكارتوننان جاسالعان پەتەرارالىق قابىرعا مەن بالكون قيراعان.
«ٶرت سٶندٸرۋ قىزمەتكەرلەرٸ ٷش يٸندٸ باسپالداقتىڭ كٶمەگٸمەن 3 ادامدى (ونىڭ ەكەۋٸ بالا) ەۆاكۋاتسييالادى. وقيعا ورنىندا مەديتسينالىق كٶمەككە 2 ادام جٷگٸندٸ. ونىڭ بٸرٸ جارىلىس بولعان پەتەردٸڭ تۇرعىنى 1970 جىلعى ەر ادامنىڭ اياعىن 20 پايىز كٷيٸك شالسا, تاعى بٸر 1994 جىلعى تۇرعىن زارداپ شەكتٸ. ەكەۋٸنٸڭ دە جاعدايلارى قاناعاتتانارلىق. وقيعا ورنىندا تجد كٷشٸمەن موبيلدٸ جىلىتۋ پۋنكتٸ ۇيىمداستىرىلىپ, اتالمىش ٷي تۇرعىندارىنا پسيحولوگييالىق كٶمەك كٶرسەتٸلدٸ, سونداي-اق (52-09-50) نٶمٸرٸ بويىنشا جەدەل جەلٸ ۇيىمداستىرىلدى», - دەپ تولىقتىردى ۆەدومستۆودان.
