كٶكشەتاۋدا جالعىزباستى زەينەتكەردٸڭ پەتەرٸنەن ەكٸ ساموسۆال قوقىس شىعارىلدى. قارييانىڭ ٶزٸ اۋرۋحاناعا جاتقىزىلدى, دەپ حابارلايدى قازاقپارات.
اقمولا وبلىستىق پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, كٶكشەتاۋ قالاسى پوليتسييا باسقارماسىنىڭ №4 ۋچاسكەلٸك پوليتسييا پۋنكتٸنە تەمٸرجول كٶشەسٸندە ورنالاسقان كٶپ قاباتتى تۇرعىن ٷيدٸڭ تۇرعىندارى جٷگٸنگەن.
«وبلىس ورتالىعى تۇرعىندارى قارت ەيەلدٸڭ پەتەرٸندە انتيسانيتارييالىق جاعداي ورناۋىنا بايلانىستى كٶرشٸ تۇراتىن زەينەتكەرگە شارا قولدانۋدى سۇرادى»,-دەپ اتاپ ٶتتٸ ۆەدومستۆودان.
مەملەكەت باسشىسىنىڭ جولداۋىن ٸسكە اسىرۋ ٷشٸن اقمولا وبلىسىندا پوليتسييا جۇمىسىنىڭ سەرۆيستٸك فورماتىن قامتاماسىز ەتۋ بٶلٸگٸندە كوميسسييانىڭ وسى مەكەن-جايعا شىعۋىن جٷزەگە اسىرۋ تۋرالى شەشٸم قابىلداندى.
جۇمىس توبىنىڭ قۇرامىنا پوليتسەيلەردەن باسقا, جەرگٸلٸكتٸ اتقارۋشى ورگانداردىڭ ٶكٸلدەرٸ مەن قالانىڭ سانيتارلىق-ەپيدەميولوگييالىق قىزمەتٸنٸڭ ماماندارى كٸردٸ.
تەكسەرۋ بارىسىندا فاكت تولىعىمەن راستالدى.
«وبلىس ورتالىعىنىڭ 72 جاستاعى تۇرعىنى ەگدە جاسىنا جەنە دەنساۋلىق جاعدايىنا بايلانىستى پەتەردٸ تيٸستٸ دەڭگەيدە ۇستاي الماعانى انىقتالدى. تۇرعىن ٷيدە جەندٸكتەر مەن كەمٸرگٸشتەردٸڭ پايدا بولۋىنا, سونداي-اق جاعىمسىز يٸستٸڭ شىعۋىنا ىقپال ەتەتٸن كٶپتەگەن تۇرمىستىق قالدىقتار تابىلدى», - دەپ تولىقتىردى ۆەدومستۆودان.
قازاقستان رەسپۋبليكاسى تەۋەلسٸزدٸگٸنٸڭ 30 جىلدىعىنا ارنالعان «30 يگٸ ٸس» اكتسيياسى اياسىندا كٶكشەتاۋ قالاسى پوليتسييا باسقارماسىنىڭ قىزمەتكەرلەرٸ جەرگٸلٸكتٸ اتقارۋشى ورگاندارمەن بٸرلەسٸپ بارلىق جينالعان تۇرمىستىق قالدىقتاردى جيناپ, كەيٸننەن سانيتارلىق باقىلاۋ قىزمەتٸ ٷي-جايدى دەزينفەكتسييالادى.
بٶلمەنٸ تازارتۋ ٷشٸن ساموسۆال قولدانىلدى. نەتيجەسٸندە ەكٸ ماشينا قوقىس جينالدى.
قازٸرگٸ ۋاقىتتا پەتەر تۇرعىنى اۋرۋحاناعا جاتقىزىلىپ, ەم الۋدا.
