الماتىدا كٶك-جايلاۋعا تاۋ شاڭعىسى كۋرورتىن سالۋعا قارسى شىققان ەكوبەلسەندٸ ارۋنا ورتاەۆا 15 تەۋلٸككە قامالدى, دەپ حابارلايدى ult.kz.
قازاقستاننىڭ ادام قۇقىقتارى مەن زاڭدىلىقتى ساقتاۋ جٶنٸندەگٸ حالىقارالىق بيۋروسىنىڭ مەلٸمەتٸنشە, سەنبٸ كٷنٸ بەلسەندٸنٸڭ ٷيٸندە تٸنتۋ جٷرگٸزٸلٸپ, كەيٸن ول پوليتسييا دەپارتامەنتٸنە جەتكٸزٸلگەن. ورتاەۆاعا قىلمىستىق كودەكستٸڭ 148-بابى بويىنشا قورعاۋعا قۇقىعى بار كۋەگەر مەرتەبەسٸ بەرٸلگەن.
بۇعان دەيٸن بەلسەندٸ Instagram پاراقشاسىندا كٶك-جايلاۋداعى قىزىل كٸتاپقا ەنگەن سيۆەرس المالارىن كەسۋ مەسەلەسٸ تالقىلانعان اۋديوجازبالاردى جارييالاعان. جازبادا بولجام بويىنشا, ەكٸمدٸك قىزمەتكەرلەرٸ اعاشتاردى قىزىل كٸتاپتان شىعارۋ جەنە كەيٸن كەسۋ مٷمكٸندٸگٸن تالقىلاعان.
اعاشتار كٶك-جايلاۋعا جول سالىناتىن اۋماقتا ورنالاسقان. اۋديوجازبادا قوعامدىق تىڭداۋلار ٶتكٸزۋ مەسەلەسٸ دە سٶز بولعان.
بيۋرونىڭ مەلٸمەتٸنشە, ورتاەۆاعا «كٶرٸنەۋ جالعان اقپارات تاراتۋ» بابى بويىنشا ٸس قوزعالماعان.
ەسكە سالايىق, بۇعان دەيٸن الماتى تاۋلارىنداعى بٸرقاتار اعاشتان قىزىل بەلگٸلەر بايقالعان. بۇل كٶك-جايلاۋدا جاڭا كۋرورت سالۋ ٷشٸن اعاش كەسۋگە دايىندىق بولۋى مٷمكٸن دەگەن پٸكٸر تۋعىزعان ەدٸ.
