Almatyda Kók-Jailaýǵa taý shańǵysy kýrortyn salýǵa qarsy shyqqan ekobelsendi Arýna Ortaeva 15 táýlikke qamaldy, dep habarlaidy ult.kz.
Qazaqstannyń adam quqyqtary men zańdylyqty saqtaý jónindegi halyqaralyq biýrosynyń málimetinshe, senbi kúni belsendiniń úiinde tintý júrgizilip, keiin ol politsiia departamentine jetkizilgen. Ortaevaǵa Qylmystyq kodekstiń 148-baby boiynsha qorǵaýǵa quqyǵy bar kýáger mártebesi berilgen.
Buǵan deiin belsendi Instagram paraqshasynda Kók-Jailaýdaǵy Qyzyl kitapqa engen Sivers almalaryn kesý máselesi talqylanǵan aýdiojazbalardy jariialaǵan. Jazbada boljam boiynsha, ákimdik qyzmetkerleri aǵashtardy Qyzyl kitaptan shyǵarý jáne keiin kesý múmkindigin talqylaǵan.
Aǵashtar Kók-Jailaýǵa jol salynatyn aýmaqta ornalasqan. Aýdiojazbada qoǵamdyq tyńdaýlar ótkizý máselesi de sóz bolǵan.
Biýronyń málimetinshe, Ortaevaǵa «kórineý jalǵan aqparat taratý» baby boiynsha is qozǵalmaǵan.
Eske salaiyq, buǵan deiin Almaty taýlaryndaǵy birqatar aǵashtan qyzyl belgiler baiqalǵan. Bul Kók-Jailaýda jańa kýrort salý úshin aǵash kesýge daiyndyq bolýy múmkin degen pikir týǵyzǵan edi.
