قازاقستان مۇسىلماندارى دٸني باسقارماسى مەكتەپتەگٸ قىزداردىڭ ورامال تاعۋ مەسەلەسٸنە قاتىستى ٶز ۇستانىمىن بٸلدٸردٸ, دەپ حابارلايدى ۇلت اقپارات.
"قمدب جاماعات تاراپىنان كيٸم مەسەلەسٸنە قاتىستى جولدانعان سۇراقتارعا شاريعات بويىنشا, باليعات جاسىنا تولعان مۇسىلمان قىزعا ورامال تاعۋ مٸندەت ەكەنٸن مەلٸمدەيدٸ. قازاقستان مۇسىلماندارى دٸني باسقارماسى ەلٸمٸزدەگٸ مۇسىلمان قىز-كەلٸنشەكتەر مەن ەيەلدەردٸ كيٸم كييۋ ٷلگٸسٸندە قازاق حالقىنىڭ سالت-دەستٷرلەرٸن ساقتاي وتىرىپ, جيناقى كيٸنۋگە كەڭەس بەرەدٸ. ال پارانجا (نيقاب) كييۋدٸڭ سالتىمىزدا بولماعان, باسقا ەلدٸڭ ٷلگٸسٸ ەكەنٸن دە ەرەكشە اتاپ ٶتكەنٸمٸز جٶن.
يسلام شاريعاتىندا قىز بالانىڭ باليعاتقا تولۋىن 9 جاسپەن شەكتەۋ دۇرىس ەمەس. مۇسىلمان عالىمدارى قىز بالالاردىڭ فيزيولوگييالىق ەرەكشەلٸكتەرٸنە ساي, كٶپشٸلٸكتٸڭ جاعدايىن نازارعا الا وتىرىپ, 15 جاسپەن شەكتەگەن.
يسلام دٸنٸ باليعات جاسىنا تولماعان, ساناسى تولىق قالىپتاسىپ ٷلگەرمەگەن, ورامال تاعۋدىڭ تٷپكٸ مەنٸ مەن ماڭىزىن, ٷكٸمٸن تٷسٸنبەيتٸن كٸشكەنتاي قىز بالاسىنا ورامال تاعۋدى مٸندەتتەمەيدٸ. ەربٸر مۇسىلمان قىز بالا ورامالدىڭ قادٸر-قاسيەتٸن تەرەڭ تٷسٸنٸپ, جاۋاپكەرشٸلٸگٸن سانالى تٷردە سەزٸنٸپ, اللانىڭ ەمٸرٸن ٶز ەركٸمەن ورىنداۋى باستى ماقسات. مەكتەپ تابالدىرىعىن ەندٸ عانا اتتاعان بٷلدٸرشٸندٸ جاۋلىق جابۋعا مەجبٷرلەۋدەن بۇرىن وعان ەڭ ەۋەلٸ بٸلٸم مەن تەربيە بەرگەن ابزال. بۇل – اتا-انانىڭ باستى مٸندەتٸ.
اللا تاعالا كٷللٸ ادامزات بالاسىنا يماندى بولۋدى ەرٸ بٸلٸم الۋدى ەمٸر ەتكەن. قۇران كەرٸمنٸڭ ەڭ العاش تٷسكەن اياتىنىڭ ٶزٸ «وقى!», دەگەن بۇيرىقپەن باستالۋى ەرەكشە نازار اۋدارارلىق.
سونداي-اق قۇراندا: «راببىم, بٸلٸمٸمدٸ ارتتىر!», («تاھا» سٷرەسٸ, 114), «بٸلەتٸندەر مەن بٸلمەيتٸندەر بٸردەي بولا ما?» («زۋمار» سٷرەسٸ, 9), «اللا تاعالا سەندەردٸڭ ارالارىڭدا يمان كەلتٸرگەندەر مەن بويلارىنا بٸلٸم دارىتقانداردىڭ دەرەجەلەرٸن ٶسٸرەدٸ» («مۋجەدەلە» سٷرەسٸ, 11) دەپ ٸلٸم يەلەرٸنٸڭ مەرتەبەسٸنٸڭ جوعارىلىعىن اتاپ ٶتكەن.
ارداقتى پايعامبارىمىز (اللانىڭ سالاۋاتى مەن سەلەمٸ بولعاي): «بٸلٸم الۋ ەربٸر مۇسىلمان ەر كٸسٸگە دە, ەيەلگە دە پارىز»,– دەپ بٸلٸم ٸزدەنۋدٸڭ ەيەلدەرگە دە تيٸستٸ ەكەنٸن ايتقان.
سوندىقتان دا, دٸنٸمٸزدە مۇسىلمان ەر كٸسٸ مەن ەيەلگە بٸلٸم الۋ – مٸندەت. ال مەكتەپ جاسىنداعى بالاعا يماندىلىققا باۋلىپ, بٸلٸم ٷيرەتۋ – ەربٸر ادامنىڭ ازاماتتىق ەرٸ مۇسىلماندىق بورىشى. دٸني ھەم زايىرلى بٸلٸم الۋ – جارقىن بولاشاقتىڭ كٸلتٸ.
بٷگٸنگٸ زاماننىڭ ٷدەرٸسٸ ەلٸمٸزدٸڭ ەربٸر ازاماتى مەن لاۋازىمدى تۇلعاسىنا بٸلٸمدٸ, يماندى, وتانشىل ۇرپاق قالىپتاستىرۋدى تالاپ ەتۋدە. بۇل – بارشامىزدىڭ ۇلى بورىشىمىز, اسىل مٸندەتٸمٸز.
بٸز مۇسىلمان جاماعاتى مەن اتا-انالاردى وقۋ ورىندارىنىڭ مەكتەپ وقۋشىلارىنىڭ كيٸم ٷلگٸسٸنە قاتىستى قويىلاتىن تالاپتارىنا تٷسٸنٸستٸكپەن جەنە سابىرلىقپەن قاراۋعا شاقىرامىز. بۇل مەسەلەنٸ ۋشىقتىرۋ دۇرىس ەمەس. ٶيتكەنٸ ەلٸمٸزدە ورامالعا تٷبەگەيلٸ تىيىم سالىنباعانىن تٷسٸنۋٸمٸز كەرەك. تەك ورتا مەكتەپتەردە كيٸم ٷلگٸسٸن بٸرٸزدٸلٸككە تٷسٸرۋ ماقساتىندا شەشٸم قابىلدانعان.
كونستيتۋتسيياعا سەيكەس, ەلٸمٸز زايىرلى مەملەكەت بولىپ تابىلادى, وندا ازاماتتاردىڭ ار-وجدان بوستاندىعىنا ەركٸندٸك بەرٸلگەن. سونىمەن قاتار, «دٸني قىزمەت جەنە دٸني بٸرلەستٸكتەر تۋرالى» زاڭدا دٸني بٸرلەستٸكتەردٸڭ مەملەكەتتٸڭ قىزمەتٸنە ارالاسپايتىنى كٶرسەتٸلگەن. اتالعان زاڭدا ەلٸمٸزدەگٸ بٸلٸم بەرۋ جەنە تەربيەلەۋ جٷيەسٸ دٸن مەن دٸني بٸرلەستٸكتەردەن بٶلٸنگەندٸگٸ جەنە زايىرلى سيپاتتا بولاتىندىعى ايتىلعان.
دٸندار ازاماتتار قوعامنان بٶلەك ٶمٸر سٷرمەيدٸ. دٸنٸمٸزدەگٸ بويۇسىنۋ – نەگٸزگٸ مٸندەتتەردٸڭ بٸرٸ. سوندىقتان مۇسىلماندار زاڭعا قۇرمەتپەن قاراۋى تيٸس.
ەلٸمٸزدٸڭ زاڭنامالارى بٸزگە بالالارىمىزدىڭ ورتا بٸلٸم الۋىن قامتاماسىز ەتۋٸمٸزدٸ مٸندەتتەيدٸ. بٸلٸمسٸزدٸك بٷلٸككە باستايتىنىن ۇمىتپايىق. سوندىقتان قىز بالانىڭ تولىققاندى زايىرلى بٸلٸم الۋىن اتا-انالارى ەلٸمٸزدٸڭ زاڭناماسى تالاپتارى شەڭبەرٸندە قامتاماسىز ەتكەندەرٸ جٶن.
اللا تاعالادان ەلٸمٸزدٸ تٷرلٸ بٷلٸكتەن ساقتاۋىن تٸلەيمٸز. حالقىمىزدىڭ بٸرلٸگٸ مەن بەرەكەسٸ ارتا بەرگەي!" - دەلٸنگەن باسقارما مەلٸمدەمەسٸندە.
