قازاقستان مۇسىلماندارى دٸني باسقارماسى شاريعات جەنە پەتۋا بٶلٸمٸ قاۋٸپتٸ جۇقپالى اۋرۋلاردان قايتىس بولعانداردى جەرلەۋ تۋرالى پەتۋا شىعاردى, دەپ حابارلايدى "ۇلت اقپارات".
«شاريعات بويىنشا قايتىس بولعان مۇسىلماندى جۋىندىرۋ, كەبٸندەۋ, وعان جانازا نامازىن وقۋ جەنە ونى جەرلەۋ – پارىز كيفايا. پارىز كيفايا دەگەنٸمٸز – كەيبٸر مۇسىلماندار ورىنداعان جاعدايدا ٶزگەلەرگە مٸندەت بولمايتىن امال» دەلٸنگەن قمدب مەلٸمدەمەسٸندە.
قازاقستان مۇسىلماندارى دٸني باسقارماسىنىڭ عۇلامالار كەڭەسٸ ٶتە قاۋٸپتٸ جۇقپالى (تۋليارەمييا, ەبولا, كوروناۆيرۋس, وبا, ت.ب.) اۋرۋلاردان قايتىس بولعان ادامداردىڭ مەيٸتتەرٸن جۋىندىرۋعا جەنە جەرلەۋگە قاتىستى تٶمەندەگٸ شارالاردى جٷزەگە اسىرۋدى ماقۇلدايدى:
بٸرٸنشٸدەن, مەيٸتتٸ جۋىندىرۋ. ٶتە قاۋٸپتٸ جۇقپالى دەرتتەن قايتىس بولعان ادامدى جۋىندىرۋ رەسٸمٸ ارنايى مەملەكەتتٸك مەكەمەنٸڭ سانيتارييالىق-ەپيدەميولوگييالىق تالاپتارىنا سەيكەس جٷزەگە اسۋى تيٸس. مەيٸتحانادا (مورگ) جۋىندىرۋ شاراسى شاريعات تالابىنا قايشى كەلمەسە, مەيٸتتٸ قايتا جۋىندىرۋ شارت ەمەس. قايتىس بولعان ەر كٸسٸنٸ ەر كٸسٸ, ەيەلدٸ ەيەل جۋىندىرۋى كەرەك.
ەكٸنشٸدەن, مەيٸتتٸ كەبٸندەۋ. شاريعات بويىنشا مەيٸت كەبٸندەلۋٸ مٸندەت. ەر كٸسٸ ٷش قابات ماتامەن, ال ەيەل بەس قابات ماتامەن كەبٸندەلەدٸ. الايدا جۇقپالى دەرتتەن قايتقان كٸسٸنٸ كەبٸندەۋ ٸسٸندە سانيتارلىق قاعيدالار ساقتالۋى تيٸس. ەگەر مەيٸتحانادا كەبٸندەلگەن مەيٸت شاريعاتقا ساي بولسا, قايتا كەبٸندەۋ شارت ەمەس. قايتىس بولعان ەر كٸسٸنٸ ەر كٸسٸ, ەيەلدٸ ەيەل كەبٸندەۋٸ قاجەت.
ٷشٸنشٸدەن, جانازا نامازىن وقۋ. قاۋٸپتٸ ٸندەتكە بايلانىستى جارييالانعان تٶتەنشە جاعدايدا جانازا نامازىنا مارقۇمنىڭ ەڭ جاقىن تۋىستارىنىڭ قاتىسۋى جەتكٸلٸكتٸ. ساقتىق شارالارى ٷشٸن ادام سانىن بارىنشا ازايتۋ قاجەت. قالالىق جاعدايدا ٸندەتتٸڭ قوعامدىق ورتاعا (مىسالى, كٶپقاباتتى ٷي تۇرعىندارىنا, كٶرشٸلەرٸنە, ت.ب.) تارالماۋى ٷشٸن مارقۇمدى مەيٸتحانادان تٸكەلەي زيرات باسىنا اپارىپ, سول جەردە جانازا نامازىن وقىپ, جەرلەۋگە شاريعاتىمىزدا رۇقسات ەتٸلگەن. جانازا رەسٸمدەرٸن جەرگٸلٸكتٸ يمام اتقارادى. ناماز وقىعان كەزدە سانيتارلىق نورماعا ساي مەيٸت يمام مەن جاماعاتتان قاشىق جەرگە قويىلادى.
تٶرتٸنشٸدەن, مەيٸتتٸ جەرلەۋ. مەيٸت زيراتقا ارنايى كٶلٸكپەن جەتكٸزٸلۋٸ تيٸس. مەيٸتتٸ جەرلەۋ رەسٸمٸندە بيوقاۋٸپسٸزدٸك شارالارى قاتاڭ ساقتالۋى تيٸس. سونداي-اق مەيٸت قايتىس بولعان مەكەنٸندە جەرلەنۋٸ تيٸس. سانيتارييالىق-ەپيدەميولوگييالىق مەكەمەسٸنٸڭ رۇقساتىنسىز مەيٸتتٸ ٷيٸنە نەمەسە باسقا مەكەن-جايعا (ٶزگە قالاعا, تۋعان جەرٸنە) اپارماعان دۇرىس. مۇنداعى ماقسات – جۇقپالى ٸندەتتٸڭ ٶزگە ايماقتارعا تارالۋىنىڭ الدىن الۋ.
ەسكەرتۋ: سانيتارييالىق-ەپيدەميولوگييالىق مەكەمەسٸ تاراپىنان مەيٸتتٸ شاريعات جولىمەن جۋىندىرۋعا, تاياممۋم الدىرۋعا جەنە كەبٸندەۋگە رۇقسات بەرٸلمەسە, مۇنداي جاعدايدا شاريعاتتىڭ زەرۋلٸك ٷكٸمٸ نەگٸزگە الىنادى. مەيٸتحانادا ورالعان ماتا, ارنايى ٷلدٸر (كليونكا) نەمەسە تابىت اشىلماستان, سول حەلٸندە جانازا نامازى مەيٸتتەن الىس تۇرىپ وقىلادى.
