"قازمۇنايگاز" ۇك اق باسقارما تٶراعاسى ماعزۇم مىرزاعاليەۆ 30 ماۋسىمدا مەسكەۋدە "ترانسنەفت" جاق پرەزيدەنتٸ نيكولاي توكارەۆپەن كەزدەستٸ, - دەپ حابارلايدى "ۇلت اقپارات" "قمگ" اق باسپاسٶز قىزمەتٸنە سٸلتەمە جاساپ.
"تاراپتار كاسپيي قۇبىر جەلٸسٸ كونسورتسيۋمىنىڭ قازاقستاندىق مۇنايدى تاسىمالداۋ جٶنٸندەگٸ قىزمەتتٸڭ ٶزەكتٸ مەسەلەلەرٸن تالقىلادى. قازاقستان مەن رەسەي اراسىنداعى ستراتەگييالىق سەرٸكتەستٸك ٷشٸن كقك جوباسىنىڭ ماڭىزدىلىعىنا دا توقتالدى. مىرزاعاليەۆ «ترانسنەفت» كومپانيياسى قازاقستاندىق مۇنايدى تاسىمالداۋ مەن ترانزيتٸ سالاسىنداعى قمگ-نىڭ ۇزاق مەرزٸمدٸ جەنە سەنٸمدٸ سەرٸكتەسٸ ەكەنٸن اتاپ ٶتتٸ.
كەزدەسۋدە بٸرٸنشٸ جەنە ەكٸنشٸ جىلجىمالى ايلاق قۇرىلعىلارى ماڭايىن جارىلعىش زاتتاردان تازارتۋ بويىنشا جٷرٸپ جاتقان جۇمىستارعا بايلانىستى كقك تەڭٸز تەرمينالىنداعى قازٸرگٸ جاعدايىنا ايرىقشا دەن قويىلدى.
بٸرٸنشٸ جەنە ەكٸنشٸ جىلجىمالى ايلاق قۇرىلعىلارى اكۆاتوريياسىندا سۋ استىنداعى قاۋٸپتٸ زاتتاردى جەتە تەكسەرۋ جەنە كەدەگە جاراتۋ جۇمىستارىن رەسەيدٸڭ تٶتەنشە جاعدايلار مينيسترلٸگٸ وسى جىلدىڭ 15 ماۋسىمنان بەرٸ جٷرگٸزٸپ كەلەدٸ. ٷشٸنشٸ جىلجىمالى ايلاق قالىپتى جۇمىس ٸستەپ تۇر. باستاپقىدا مينالاردان تازارتۋ جۇمىستارىن ماۋسىمنىڭ 25-نە دەيٸن اياقتاۋ جوسپارلانعان ەدٸ. بٸراق اۋا-رايىنىڭ قولايسىزدىعىنا بايلانىستى وسى جىلدىڭ 5-شٸ شٸلدەسٸنە دەيٸن ۇزارتىلدى" - دەلٸنگەن حابارلامادا.
كەزدەسۋ بارىسىندا تاراپتارعا ەكٸنشٸ جىلجىمالى ايماق ماڭايىندا ميناسىزداندىرۋ جۇمىستارى اياقتالۋعا جاقىن ەكەندٸگٸ, شٸلدەنٸڭ 1-نەن باستاپ مۇناي قۇبىرى ەكٸ ايلاق ارقىلى جۇمىس ٸستەيتٸنٸ ايتىلدى. بٸرٸنشٸ جىلجىمالى ايماق اكۆاتوريياسىنداعى قاۋٸپتٸ زاتتاردى ٸزدەۋ جۇمىستارى 2022 جىلدىڭ 5 شٸلدەسٸنە دەيٸن اياقتالادى دەپ جوسپارلانۋدا.
"قمگ مەن «ترانسنەفت» جاق باسشىلارى وسى جاعدايلارعا قاراماستان, كقك قازاقستاندىق مۇنايدى جٷك بەرۋشٸلەردٸڭ كەستەسٸنە ساي كٸدٸرٸسسٸز جٶنەلتٸپ جاتقاندىعىن اتاپ ٶتتٸ.
بٸرٸنشٸ جەنە ەكٸنشٸ جىلجىمالى ايلاق قۇرىلعىلارى ماڭايىن جارىلعىش زاتتاردان تازارتۋ جۇمىستارىنىڭ بارىسى جايلى پٸكٸر الماسقاننان كەيٸن م.مىرزاعاليەۆ پەن ن.توكارەۆ جۇمىستار ۋاقىتىلى اياقتالاتىنىنا سەنٸم بٸلدٸردٸ. سونىمەن قاتار ٷش ايلاقتىڭ دا تۇراقتى جۇمىس ٸستەپ تۇرۋىنىڭ ماڭىزدىلىعىنا توقتالدى.
قمگ مەن «ترانسنەفت» جاق باسشىلارى بٸرلەسكەن قىزمەتتٸڭ بارلىق اسپەكتٸلەرٸ بويىنشا ەكٸ كومپانييا اراسىنداعى قاتىناستار ديناميكاسىنا وڭ باعا بەردٸ جەنە تاراپتار ىنتىماقتاستىعى ٶزارا تٷسٸنٸستٸك پەن سەرٸكتەستٸككە نەگٸزدەلەتٸنٸن مەلٸمدەدٸ" - دەلٸنگەن رەسمي اقپاراتتا.
