قيىن جاعدايعا تاپ بولعان ادامداردىڭ قايعىسىنان پايدا تابۋ ادامگەرشٸلٸككە جاتپايدى. بٷگٸن مينيسترلٸك جانىنداعى جەم-شٶپپەن قامتاماسىز ەتۋ جٶنٸندەگٸ رەسپۋبليكالىق جەدەل شتابتىڭ وتىرىسىندا اۋىل شارۋاشىلىعى مينيسترٸنٸڭ مٸندەتٸن اتقارۋشى ەربول قاراشٶكەەۆ وسىلاي دەدٸ, - دەپ حابارلايدى «ۇلت اقپارات».
اتالعان جيىندا قۇرعاقشىلىقتان زارداپ شەككەن ٶڭٸرلەردٸڭ قاجەتتٸلٸكتەرٸ ەسەپتەلگەنٸ ايتىلدى. بەلگٸلٸ بولعانىنداي, جەم مەن كەبەك باعاسىنىڭ نەگٸزسٸز ٶسۋٸنە بايلانىستى جاعداي قيىنداعان. وسى ورايدا قولدانىستاعى زاڭناما اياسىندا باعانىڭ نەگٸزسٸز ٶسۋ فاكتٸلەرٸنە جەدەل دەن قويۋ قاجەت.
«جەم-شٶپ پەن كەبەك ساتاتىندار اراسىندا تٷسٸندٸرۋ جۇمىستارىن جٷرگٸزۋدٸڭ ماڭىزدىلىعىن ەرەكشە اتاپ ٶتكٸم كەلەدٸ جەنە قۇرعاقشىلىق سالدارىنان قيىن جاعدايعا تاپ بولعان ادامداردىڭ قايعىسىنان پايدا تابۋ ادامگەرشٸلٸككە جاتپايتىنىن ەسكە سالامىن. سونداي-اق, بۇل ٸستە دەلدالداردىڭ ارالاسپاۋىن قاداعالاۋ قاجەت», - دەدٸ مينيستردٸڭ مٸندەتٸن اتقارۋشى ەربول قاراشٶكەەۆ.
سونىمەن, قۇرعاقشىلىقتان زارداپ شەككەن وبلىستارعا ٷكٸمەت رەزەرۆٸنەن مال ازىعىن ارزانداتۋ ٷشٸن 3,6 ملرد تەڭگە بٶلٸنسە, ماڭعىستاۋ وبلىسىنا مال ازىعىن دايىنداۋ ٷشٸن 5,3 ملرد تەڭگە بٶلٸنگەن. وسىلايشا ٶڭٸرلەردەگٸ جەم-شٶپ جيناۋدىڭ قازٸرگٸ جاعدايى تۋرالى مال شارۋاشىلىعى ٶنٸمدەرٸن ٶندٸرۋ جەنە قايتا ٶڭدەۋ دەپارتامەنتٸ ديرەكتورىنىڭ ورىنباسارى ق.مۇتاەۆ بىلاي دەدٸ:
«بٷگٸنگٸ تاڭدا شامامەن ون سەگٸز ميملليونعا جۋىق توننا شٶپ دايىندالدى, بۇل جوسپاردىڭ 74%-ىن قۇرايدى. قۇرعاقشىلىقتان زارداپ شەككەن ٶڭٸرلەرگە كٶمەك قولىن ٶڭٸردٸڭ باسشىلىعى مەن ٷكٸمەت قانا ەمەس, ەل ازاماتتارى مەن قاراپايىم تۇرعىندار دا اتسالىسىپ جاتىر. شامالارىنىڭ كەلگەنٸنشە جەپ-شٶپ جيناپ, حالىقتان جىلۋ جيناپ, ەشكٸم ٷنسٸز حالىپ جاتقان جوق. وسىنداي قيىن سەتتە جۇدىرىقتاي جۇمىلىپ ەرەكەت ەتٸپ جاتقان بارلىق جانعا العىسىمىز شەكسٸز. ەل باردا, حالىق باردا بٸز بارمىز», - دەپ حابارلادى ق.مۇتاەۆ.
سونداي-اق, اتقارىلىپ جاتقان جۇمىستار تۋرالى الماتى, قىزىلوردا, ماڭعىستاۋ, تٷركٸستان جەنە سولتٷستٸك قازاقستان وبلىستارىنىڭ شتاب ٶكٸلدەرٸ حابارلاپ, جەم-شٶپ دايىنداۋ بويىنشا ٶڭٸرلەردەگٸ قازٸرگٸ جاعداي, شەشٸلۋٸ قاجەت مەسەلەلەر, سونداي-اق الدىڭعى كەزدەسۋدە قويىلعان مٸندەتتەردٸڭ ورىندالۋ بارىسى تالقىلاندى.
ال ماڭعىستاۋ وبلىسى ەكٸمٸنٸڭ ورىنباسارى ع.نييازوۆتىڭ ايتۋىنشا, بٷگٸنگٸ تاڭدا قۇرعاقشىلىقتان زارداپ شەككەندەرگە 70 ملن تەڭگە قارجى بەرٸلگەن. تامىز ايىنىڭ سوڭىنا دەيٸن ٷكٸمەت رەزەرۆٸنەن بٶلٸنگەن بارلىق قارجى جٸبەرٸلەتٸن بولادى.
«ەلدەگٸ قۇرعاقشىلىق ەشكٸمگە دە وڭاي سوعىپ جاتقان جوق. بارلىق ايماقتاردان قولداۋ كٶرٸپ وتىرمىز. جەردەم رەتٸندە جٷك-جٷك ارتقان ٷلكەن كٶلٸكتەر كەلٸپ جاتىر. بٸز بۇل ٷشٸن تەك قۋانىشتىمىز. بٸر ماڭعىستاۋدىڭ ٶزٸندە بٷگٸنگٸ تاڭدا قۇرعاقشىلىقتان زارداپ شەككەندەرگە جەتپٸس ملن تەڭگە قارجى بەرٸلدٸ. ەڭ باستىسى, جەم-شٶپ قورىن قۇرۋ باستى مەسەلە بولىپ قالا بەرەدٸ. وسى بويىنشا بالانس جاساپ, ساتۋعا ارنالعان كٶلەمدەردٸ ايقىنداۋ كەرەك جەنە ەكٸمدٸكتەردٸڭ سايتتارىنا ورنالاستىرۋ قاجەت», - دەدٸ ماڭعىستاۋ وبلىسى ەكٸمٸنٸڭ ورىنباسارى ع.نييازوۆ.
ال مينيستردٸڭ مٸندەتٸن اتقارۋشى ەربول قاراشٶكەەۆ ماڭعىستاۋ وبلىسىنىڭ ەكٸمدٸگٸنە قازاقستاننىڭ بارلىق ازاماتتارى مەن ۇجىمدارى قايىرىمدىلىق جينايتىن ارنايى شوت اشۋدى تاپسىردى. سونداي-اق, قاراشٶكەەۆتٸڭ ايتۋىنشا, اۋىل شارۋاشىلىعى مينيسترلٸگٸ زارداپ شەككەن فەرمەرلەرگە جەنە ماڭعىستاۋ وبلىسىنىڭ جەكە شارۋا قوجالىقتارىنا بٸر كٷندٸك جالاقىسىن اۋدارۋعا شەشٸم قابىلداعان.
سونىمەن بٸرگە, قۇرعاقشىلىق كەزٸندە ٶرتتٸ بولدىرماۋدىڭ نەمەسە الدىن الۋدىڭ مەسەلەلەرٸ دە قاراستىرىلدى. ٶيتكەنٸ, قاراعاندى وبلىسى مەن اقتٶبە وبلىسىنىڭ جايىلىمدارىنان دا ٶرت شىققان بولاتىن. اتالعان جيىنعا شتاب جۇمىسىنا ونىڭ مٷشەلەرٸ, ٶڭٸر باسشىلارىنىڭ ورىنباسارلارى جەنە باق ٶكٸلدەرٸ قاتىسىپ, قۇرعاقشىلىق سالدارىن جويۋ جەنە الداعى قىستاۋعا مال شارۋاشىلىعىن جەم-شٶپپەن قامتاماسىز ەتۋ مەسەلەلەرٸن شەشۋ بويىنشا جەرگٸلٸكتٸ جەرلەردە قابىلدانىپ جاتقان بارلىق شارالار كەشەنٸن اقپاراتتىق قامتاماسىز ەتۋ مەسەلەلەرٸن تالقىلادى.
ەستەرٸڭٸزگە سالا كەتەيٸك, بٷگٸن مينيسترلٸك جانىنداعى جەم-شٶپپەن قامتاماسىز ەتۋ جٶنٸندەگٸ رەسپۋبليكالىق جەدەل شتابتىڭ وتىرىسىندا اۋىل شارۋاشىلىعى مينيسترٸنٸڭ مٸندەتٸن اتقارۋشى ەربول قاراشٶكەەۆ قيىن جاعدايعا تاپ بولعان ادامداردىڭ قايعىسىنان پايدا تابۋ ادامگەرشٸلٸككە جاتپايتىنىن ايتقان بولاتىن. اتالعان جيىندا قۇرعاقشىلىقتان زارداپ شەككەن ٶڭٸرلەردٸڭ قاجەتتٸلٸكتەرٸ ەسەپتەلگەنٸ ايتىلدى. بەلگٸلٸ بولعانىنداي, جەم مەن كەبەك باعاسىنىڭ نەگٸزسٸز ٶسۋٸنە بايلانىستى جاعداي قيىنداعان. وسى ورايدا قولدانىستاعى زاڭناما اياسىندا باعانىڭ نەگٸزسٸز ٶسۋ فاكتٸلەرٸنە جەدەل دەن قويۋ قاجەت.
