فوتو: primeminister.kz
قر پرەمەر-مينيسترٸ ەليحان سمايىلوۆ «24KZ» تەلەارناسىنا بەرگەن سۇحباتىندا 2023 جىلى قازاقستاننىڭ اگروٶنەركەسٸپ كەشەنٸن دامىتۋ جەنە قولداۋ بويىنشا قانداي جۇمىستار جٷرگٸزٸلگەنٸ تۋرالى ايتىپ بەردٸ, دەپ حابارلايدى "ۇلت اقپارات" ٷكٸمەتتٸڭ باسپاسٶز قىزمەتٸنە سٸلتەمە جاساپ.
وسى جىل فەرمەرلەر ٷشٸن وڭايعا تٷسكەن جوق. اتاپ ايتقاندا, وڭتٷستٸكتە ۆەگەتاتسييالىق كەزەڭدە جاۋىن-شاشىن از بولسا, سولتٷستٸك ٶڭٸرلەردە ەگٸن وراعى كەزٸندە ۇزاق ۋاقىت بويى جاڭبىر جاۋدى.
«بۇل ٶنٸمدٸلٸكتٸڭ تٶمەندەۋٸنە ەسەر ەتتٸ. قيىن جاعدايدا مەملەكەت شارۋالاردى قولداۋسىز قالدىرعان جوق. پرەزيدەنت تاپسىرماسىنا سەيكەس ٷكٸمەت ديحاندارعا جان-جاقتى كٶمەك كٶرسەتٸپ جاتىر», — دەدٸ ەليحان سمايىلوۆ.
اتاپ ايتقاندا, جامبىل وبلىسى فەرمەرلەرٸنٸڭ 3 ملرد تەڭگە شىعىنى ٶتەلدٸ. سونداي-اق استىقتى كەپتٸرۋ ٷشٸن جەڭٸلدەتٸلگەن باعامەن ديزەل وتىنى بٶلٸندٸ. «بەيتەرەك» حولدينگٸ تاراپىنان تاۋار ٶندٸرۋشٸلەردٸڭ قارىزدارىن ٶتەۋ مەرزٸمٸ ۇزارتىلدى.
«ٶسٸمدٸك جەنە مال شارۋاشىلىعىن سۋبسيدييالاۋعا ٷكٸمەت رەزەرۆٸنەن 60 ملرد تەڭگە بٶلٸندٸ. وعان قوسا جاقىن ارادا فەرمەرلەردٸ قولداۋعا تاعى دا 30 ملرد تەڭگە بٶلٸنەتٸن بولادى», — دەدٸ پرەمەر-مينيستر.
وعان قوسا ەلٸمٸزدٸڭ ازىق-تٷلٸك قاۋٸپسٸزدٸگٸن قامتاماسىز ەتۋ ٷشٸن جٷيەلٸ شارالار قابىلدانىپ جاتىر.
«بيىل 65 سٷت فەرماسىن اشۋ ٷشٸن 100 ملرد تەڭگە بٶلٸندٸ. الداعى 2 جىلدا ٸشكٸ نارىقتى سٷتپەن تولىق قامتاماسىز ەتۋدٸ جوسپارلاپ وتىرمىز. سونداي-اق قۇس فابريكالارى مەن ساقتاۋ قويمالارىن سالۋعا كەلەسٸ جىلى تاعى 100 ملرد تەڭگە بٶلٸنەتٸن بولادى. بۇل بٸزگە قۇس ەتٸ ەكسپورتىن ارتتىرۋعا مٷمكٸندٸك بەرەدٸ», — دەدٸ ەليحان سمايىلوۆ.
ٷكٸمەت باسشىسى اۋىل شارۋاشىلىعى سالاسىنا سالىنعان ينۆەستيتسييالاردىڭ جالپى كٶلەمٸ 11 ايدا 855 ملرد تەڭگەنٸ قۇراعانىن, بۇل ٶتكەن جىلمەن سالىستىرعاندا 11%-عا ارتىق ەكەنٸن ايتتى.
«ازىق-تٷلٸك ٶنٸمدەرٸن ٶندٸرۋگە 130 ملرد تەڭگە ينۆەستيتسييا سالىندى, بۇل ٶتكەن جىلمەن سالىستىرعاندا 10%-عا كٶپ. نەتيجەسٸندە بيىل ەلٸمٸزدە 207 ينۆەستيتسييالىق جوبا ٸسكە قوسىلدى», — دەدٸ پرەمەر-مينيستر.
سونىمەن قاتار ەليحان سمايىلوۆ ٶتكەن 2 جىل ٸشٸندە مەملەكەت مەنشٸگٸنە پايدالانىلماي جاتقان جەنە زاڭ بۇزۋشىلىقپەن بەرٸلگەن 10 ملن گا جەر قايتارىلعانىن ايتىپ ٶتتٸ. قايتارىلعان جەر بٸرٸنشٸ كەزەكتە ديحاندارعا بەرٸلٸپ جاتىر.
