«قازاق تٸلٸندەگٸ 100 جاڭا وقۋلىق» جوباسى اياسىندا وقۋلىقتارداعى تەورييا اعىلشىن تٸلٸنەن اۋدارىلعانمەن, پراكتيكالىق مەسەلەلەر قازاقستاننىڭ تەجٸريبەسٸنە سٷيەنٸپ جازىلدى. بۇل تۋرالى ەلوردا ەكٸمدٸگٸندە ٶتكەن «قازاق تٸلٸندەگٸ 100 جاڭا وقۋلىق» جوباسى اياسىنداعى ۇلتتىق اۋدارما بيۋروسىنىڭ جۇمىسى تۋرالى بريفينگتە ايتىلدى, دەپ حابارلايدى "ۇلت اقپارات".
«قازٸرگٸ ۋاقىتتا بٸلٸم بەرۋ سالاسىنداعى مەكتەپتەردٸڭ 80%-ى قازاق تٸلٸندە جۇمىس ٸستەيدٸ. جوعارى وقۋ ورىندارىنداعى ستۋدەنتتەردٸڭ 70%-ى سانالى تٷردە قازاق تٸلٸ بٶلٸمٸن تاڭداپ بارىپ جاتىر. ماماندىقتى تاڭداپ بارعان جاستار قاجەتتٸ وقۋلىقتاردى ٶز تٸلٸندە تابا الماسا, وقۋ ساپاسى جوعارى بولمايدى. وسى تۇرعىدا بيىل اۋدارىلعان 30 وقۋلىققا توقتالىپ ٶتۋگە بولادى. مىسالى, ميكروەكونوميكا, ماكروەكونوميكا تۋرالى بۇعان دەيٸن قازاق تٸلدٸ وقۋلىق بولا قويعان جوق. بۇل وقۋلىق بولعاننان كەيٸن جەكەلەگەن تەورييالاردى عانا ناسيحاتتاماي, عىلىم سالاسىنا باسىنان اياعىنا دەيٸن جولۋ جاسايدى», - دەيدٸ «ۇلتتىق اۋدارما بيۋروسى» قوعامدىق قورىنىڭ جەتەكشٸسٸ راۋان كەنجەحانۇلى.
ونىڭ ايتۋىنشا, كەيبٸر وقۋلىق قازاقستاننىڭ تەجٸريبەسٸنە بەيٸمدەلە وتىرىپ اۋدارىلعان.
«مىسالى, «جەكە قاراجات» دەپ اتالاتىن وقۋلىق جالاقى, زەينەتاقى, دەپوزيت, نەسيە سيياقتى قاراجاتتى قالاي جٷيەلەپ, قالاي جوسپارلاۋعا بولاتىنىن ٷيرەتەدٸ. وسى وقۋلىقتا تەورييانى اعىلشىن تٸلٸنەن اۋدارعانمەن, پراكتيكالىق مەسەلەلەردٸ قازاقستاننىڭ تەجٸريبەسٸنە سٷيەنٸپ جازدىق. دەمەك, بۇل - تٸكەلەي اۋدارۋ عانا ەمەس, كٸتاپتى بٸز ٶمٸر سٷرٸپ جاتقان قوعامعا بەيٸمدەۋ جاعىنا مەن بەرٸلدٸ», - دەيدٸ ول.
