نۇر-سۇلتان قالاسىنىڭ اۋماعىنداعى كٸشٸ تالدىكٶلدٸڭ قۇستارىن باسقا جاققا جەرسٸندٸرۋ مەسەلەسٸ قاراستىرىلىپ جاتىر. بۇل تۋرالى ورتالىق كوممۋنيكاتسييالار قىزمەتٸندە ٶتكەن بريفينگٸدە قر ەكولوگييا, گەولوگييا جەنە تابيعي رەسۋرستار مينيسترلٸگٸ ورمان شارۋاشىلىعى جەنە جانۋارلار دٷنيەسٸ كوميتەتٸ تٶراعاسىنىڭ ورىنباسارى دانييار تۇرعانباەۆ ايتتى, دەپ حابارلايدى قازاقپارات.
«نۇر-سۇلتان تۇرعىندارى №71 مەكتەپ ماڭىنداعى كٶلدٸ كٶمٸپ تاستاعاندا ونداعى قۇستاردىڭ ٷيلەرگە قاراي قاشىپ, اقىرى قىرىلىپ قالعانىن ايتادى. قازٸر ەكٸمدٸك كٸشٸ تالدىكٶلدٸ دە كٶمٸپ جاتىر. بيىل تالدىكٶلگە قوقيقازدار كەلدٸ. بۇدان بٶلەك ٷيرەك پەن اققۋدىڭ, باسقا دا قۇستاردىڭ جٷرگەنٸن كٶردٸك. كٶلدٸ وسىلاي كٶمە بەرسە, ونداعى جانۋارلاردىڭ جاعدايىنا كٸم جاۋاپتى? قىرىلسا, وبالى كٸمدە? وسى مەسەلەنٸ شەشۋ ٷشٸن قانداي جۇمىستار اتقارىلىپ جاتىر», - دەپ سۇرادى تٸلشٸ مينيسترلٸك ٶكٸلدەرٸنەن.
بۇل سۇراققا ورمان شارۋاشىلىعى جەنە جانۋارلار دٷنيەسٸ كوميتەتٸ تٶراعاسىنىڭ ورىنباسارى دانييار تۇرعانباەۆ جاۋاپ بەردٸ.
«قازٸرگٸ ۋاقىتتا بٸلٸكتٸ ماماندار, بوتانيكتەر مەن زوولوگتار, ورنيتولوگتار بٸزدٸڭ ماماندارمەن بٸرلەسٸپ, وسى مەسەلەنٸ جان-جاقتى قاراستىرىپ جاتىر. ٶيتكەنٸ اراسىندا جىل قۇستارى بار. ول قۇستاردىڭ كەلەتٸن ورنىن اۋىستىرىپ, باسقا جاققا جەرسٸندٸرەيٸك دەگەن ۇسىنىستار ايتىلىپ جاتىر. ول ۇسىنىستاردىڭ بەرٸ زەرتتەلۋدە. ناقتى قورىتىندىسى بويىنشا اقپاراتتى كەيٸن بەرەمٸز», - دەدٸ ۆەدومستۆو ٶكٸلٸ.
