قازاقستاندا تٶتەنشە جاعداي رەجيمٸ توقتاعانىمەن, استانادا بۇرىن ەنگٸزٸلگەن كارانتين تەرتٸبٸ كٷشٸندە قالادى. نۇر-سۇلتان قالاسى ەكٸمٸنٸڭ ورىنباسارى باقتييار مەكەن وسىلاي دەپ مەلٸمدەدٸ, دەپ حابارلايدى "ۇلت اقپارات".
«وسى ۋاقىتقا دەيٸن ەلوردادا 97 نىسان كارانتينگە جابىلعان بولاتىن. قازٸرگٸ ۋاقىتتا ولاردىڭ 67-نەن كارانتين تەرتٸبٸ الىنىپ تاستالدى. 30-ى ەلٸ قالا بەرەدٸ. بٷگٸننەن باستاپ مەملەكەتتٸك باس سانيتارلىق دەرٸگەردٸڭ قاۋلىسى كٷشٸنە ەنەدٸ. سوندىقتان نىسانداردىڭ بٸرازىنان الداعى ۋاقىتتا كارانتين تەرتٸبٸ الىنىپ تاستالادى. الايدا ولاردىڭ بەرٸنە دە مونيتورينگ جٷرگٸزٸلٸپ وتىرادى», - دەدٸ باقتييار مەكەن وكق-دا ٶتكەن باسپاسٶز مەسليحاتىندا.
نۇر-سۇلتان قالاسى ەكٸمٸنٸڭ ورىنباسارى بٷگٸنگە دەيٸن ەلوردادا 40 مىڭ پتر تەست, 24 مىڭ ەكسپرەس تەستٸلەۋ جٷرگٸزٸلگەنٸن مەلٸم ەتتٸ. كٷن سايىن قالادا 3 مىڭ تەست جٷرگٸزٸلەدٸ. سونىمەن قاتار قالادا الداعى ۋاقىتتا كٷنٸنە 1 مىڭ تەست جٷرگٸزٸلەتٸن لابوروتورييا جاساقتالادى.
«بٷگٸنگٸ تاڭدا ەل اۋماعىندا تٶتەنشە جاعداي رەجيمٸ توقتاتىلدى. الايدا ەلوردادا كوروناۆيرۋس جۇقتىرۋ قاۋپٸ ەلٸ ساقتالىپ تۇر. سول سەبەپتٸ بۇرىن ەنگٸزٸلگەن شەكتەۋ شارالارى كٷشٸندە قالادى. بۇرىنعىشا سپورتتىق, كٶڭٸل كٶتەرەتٸن, بۇقارالىق, وتباسىلىق شارالاردى ٶتكٸزۋگە تىيىم سالىنادى. ويىن-ساۋىق ورتالىقتارى, كينوتەاترلار, تەارلار مەن كٶرمەلەر, ادامدار جينالاتىن باسقا دا نىساندار ەلٸ دە اشىلمايدى. دٸني نىسانداردىڭ جۇمىس باستاۋىنا دا ەلٸ بولمايدى. ەپيدەمييا ازايعاننان كەيٸن عانا بٸز بۇل مەسەلەلەردٸ قايتا قارايمىز», - دەدٸ ول.
