پرەمەر-مينيستر ەليحان سمايىلوۆ 30 قاراشا كەشكە بٸرنەشە كٷن بۇرىن جىلۋ بەرۋ جٷيەسٸندە اپات ورىن العان ەكٸباستۇز قالاسىنا جۇمىس ساپارىمەن باردى, دەپ حابارلايدى "ۇلت اقپارات" ٷكٸمەت باسشىسىنىڭ باسپاسٶز قىزمەتٸنە سٸلتەمە جاساپ.
قالالىق جەو-داعى احۋالمەن, سونداي-اق پاۆلودار وبلىسى ەكٸمٸنٸڭ م. ا. ە. سقاقوۆ پەن «پاۆلودارەنەرگو» اق باس ديرەكتورىنىڭ م. ا. ۆ. لەسيننٸڭ باياندامالارىمەن تانىسقان پرەمەر-مينيستر تٶتەنشە جاعدايدىڭ العاشقى كٷنٸنەن باستاپ ارنايى جەدەل شتاب قۇرىلعانىن جەنە اپاتتىڭ سالدارىن جويۋ ٷشٸن بارلىق قاجەتتٸ ماماندار تارتىلعانىن اتاپ ٶتتٸ.
«جاعداي دەرەۋ باقىلاۋعا الىندى. العاشقى كٷندەرٸ اپاتتى جەرلەردٸ انىقتاۋدا قيىندىقتار بولدى, بٸراق قازٸرگٸ ۋاقىتتا جٶندەۋ جۇمىستارى اياقتالۋعا جاقىن. بٷگٸن-ەرتەڭ بارلىق تۇرعىن ٷيلەرگە جىلۋ بەرۋ جۇمىستارى اياقتالادى دەپ وتىرمىز», — دەدٸ ەليحان سمايىلوۆ.
ٷكٸمەت باسشىسىنىڭ ايتۋىنشا, جىلۋ جەلٸلەرٸنٸڭ ەبدەن توزۋى, جاڭعىرتۋ ٷشٸن ينۆەستيتسييالاردىڭ جەتٸسپەۋٸ, سونداي-اق جىلۋ ورتالىعى باسشىلىعىنىڭ سالعىرتتىعى وسىنداي جاعدايعا الىپ كەلگەن. الدىن الا مەلٸمەتتەرگە سەيكەس, جىلۋمەن جابدىقتاۋ جەلٸسٸنە جوعارى قىسىم بەرٸلٸپ, سونىڭ كەسٸرٸنەن قۇبىرلار 15 جەردە بٸر ۋاقىتتا زاقىمدانعان.
پرەمەر-مينيستر قازٸرگٸ ۋاقىتتا تيٸستٸ تەرگەۋ جٷرگٸزٸلٸپ جاتقانىن, ونىڭ نەتيجەلەرٸ بويىنشا بارلىق كٸنەلٸ تۇلعالار جاۋاپقا تارتىلاتىنىن ايتتى.
بۇدان باسقا, جەو تۇراقتىلىعىن قامتاماسىز ەتٸپ, ونى جاڭعىرتۋعا جەنە قالالىق جىلۋ جەلٸلەرٸن جاڭارتۋعا ينۆەستيتسييالار سالۋ بويىنشا جۇمىس جٷرگٸزٸلەتٸن بولادى.
«جەو نەمەسە جىلۋ جەلٸلەرٸندە وقىس جاعدايلار ورىن العان ٶسكەمەن, رۋدنىي, ريددەر جەنە باسقا قالالاردىڭ تۇرعىندارىن جىلۋمەن قامتاماسىز ەتۋ مەسەلەلەرٸ دە باقىلاۋدا», — دەدٸ ەليحان سمايىلوۆ.
جۇمىس ساپارى اياسىندا پرەمەر-مينيستر قالپىنا كەلتٸرۋ جۇمىستارىنىڭ بارىسىمەن تانىستى جەنە جىلۋسىز قالعان ٷيلەردٸڭ بٸرٸنٸڭ تۇرعىندارىمەن سٶيلەستٸ.
قورىتىندىلاي كەلە, ٷكٸمەت باسشىسى ەكٸمدٸككە حالىقپەن تۇراقتى كەرٸ بايلانىس ورناتىپ, ەلەۋمەتتٸك جەلٸلەر مەن «جەدەل جەلٸ» ارقىلى تٷسەتٸن قالا تۇرعىندارىنىڭ بارلىق سۇرانىستارىنا جەدەل جاۋاپ بەرۋ قاجەت ەكەنٸن ايتتى.
