سولتٷستٸك كورەيا ليدەرٸ كيم چەن ىن رەسمي تٷردە ەلدە ازىق-تٷلٸك تاپشىلىعى بولىپ جاتقانىن مويىندادى. بۇل تۋرالى ۆۆس سايتى حابارلادى, دەپ جازادى ازاتتىق.
جوعارعى شەندٸلەردٸڭ جيىنىندا كيم "ازىق-تٷلٸك تاپشىلىعى بويىنشا جاعداي قيىنداپ بارادى" دەگەن. ونىڭ سٶزٸنشە, بىلتىر بولعان تايفۋننان كەيٸنگٸ تاسقىن سالدارىنان بيداي مٶلشەردەن از بولىپ قالعان.
NK News سايتىنىڭ جازۋىنشا, كەيٸنگٸ ۋاقىتتا ەلدە ازىق باعاسى كٷرت ٶسٸپ, بٸر كەلٸ باناننىڭ قۇنى 45 دوللارعا (شامامەن 18 مىڭ تەڭگە) جەتكەن. سولتٷستٸك كورەيا ەلدە رەسمي تٷردە كوروناۆيرۋس تابىلعانىن مويىنداماعانىمەن, ۆيرۋستىڭ تارالماۋى ٷشٸن ەل شەكاراسىن جاپقان. وسىنىڭ سالدارىنان قىتايمەن ساۋدا-ساتتىق مٶلشەرٸ كٷرت تٶمەندەگەن. بۇل ەل قىتايدىڭ تاۋارىنا, تاماعىنا تەۋەلدٸ.
بۇدان بٶلەك, حالىقارالىق قاۋىمداستىق سولتٷستٸك كورەياعا يادرولىق باعدارلاماسى ٷشٸن سانكتسييا سالعان, مۇنىڭ سالدارى دا ەلگە تەرٸس ەسەر ەتٸپ جاتىر.
اۆتوريتار باسشى كيم چەن ىن ازىق-تٷلٸك تاپشىلىعى جايلى وسى اپتادا ەل استاناسى پحەنياندا باستالعان جۇمىسشىلار پارتيياسىنىڭ ورتالىق كوميتەتٸنٸڭ جيىنىندا ايتتى.
سەۋٸردە كيم ەلدەگٸ قيىن جاعدايدى مويىنداپ, شەندٸلەردٸ حالىقتىڭ جاعدايىن جاقسارتۋ ٷشٸن "كەڭ كٶلەمدە" "قيىندىق مارشىن" ٶتكٸزۋدٸ تاپسىرعان.
"قيىندىق مارشى" تەرمينٸن سولتٷستٸك كورەيا بيلٸگٸ 90 جىلدارى بولعان اشتىق كەزٸندە قولدانعان. سوۆەت وداعى قۇلاعان سوڭ بۇل ەل نەگٸزگٸ كٶمەكتەن قاعىلىپ, جاپپاي اشتىققا ۇشىراعان ەدٸ. اشارشىلىقتان قانشا ادام قايتىس بولعانى رەسمي ايتىلمادى. بٸراق كەيبٸر دەرەكتەردە بۇل اشتىقتان ٷش ميلليون ادام كٶز جۇمعانى ايتىلادى.
