باتىس قازاقستان وبلىسىندا سوڭعى كەزدە شارۋالار تاراپىنان كيٸكتەر كٶبەيٸپ, ولار مال جايىلاتىن جەرلەردٸ تاپتاپ كەتتٸ دەگەن پٸكٸر ايتىلىپ جاتقانى بەلگٸلٸ.
وسىعان بايلانىستى قازاقستاندىق بيوالۋانتٷرلٸلٸكتٸ ساقتاۋ قاۋىمداستىعىنىڭ (قبسا) قولدانبالى بيولوگييا ورتالىعىنىڭ ديرەكتورى سەرگەي سكليارەنكو ٶز وي-تولعامىن بٸلدٸردٸ, دەپ حابارلايدى قازاقپارات.
سەرگەي لۆوۆيچتٸڭ سٶزٸنە قاراعاندا, باتىس قازاقستاندا كيٸك سانىنىڭ ٶسكەنٸ راس.
«بٸراق كيٸكتەردٸڭ مالمەن ٶزارا ارالاسۋى تۋرالى ناقتى دەرەكتەر جوق. سوندىقتان بۇل جەردە قانداي دا بٸر ٶتەماقى جٶنٸندە مەسەلە قوزعاۋعا ەرتە. ٶيتكەنٸ كيٸكتەردٸڭ سانى كٶبەيگەن كەزدە ولاردىڭ جايىلىمدارعا تيگٸزگەن ەسەرٸ تۋرالى زەرتتەۋلەر ەلٸ جوق», دەدٸ س.سكليارەنكو.
ونىڭ ايتۋىنشا, قازٸر عالىمدار ارنايى عىلىمي زەرتتەۋلەرسٸز كيٸكتەردٸڭ ورال پوپۋلياتسيياسى سانىنىڭ ٶسۋٸنە بايلانىستى جاعداي بويىنشا ناقتى ەشتەڭە ايتا المايدى, سەبەبٸ وبەكتيۆتٸ دەرەكتەر جوق. قازٸرگٸ تاڭدا كيٸك ساناعى جٷرگٸزٸلۋدە, ولاردىڭ ناقتى سانى جٶنٸندەگٸ دەل دەرەكتەر مامىر ايىنىڭ سوڭىنا قاراي بەلگٸلٸ بولادى.
«بيىل باتىس قازاقستاندا ەزٸرگە قۋاڭشىلىق بايقالمايدى. دەگەنمەن سوڭعى جىلدارى بۇل ايماقتا مال جايۋ جٷيەسٸ ٶزگەردٸ. مىسالى, كەڭەس زامانىندا مالشىلار جايىلىمداردى اۋىستىرىپ وتىراتىن, قازٸر بۇل جٷيە بۇزىلعان. جايىلىمدار تيٸمسٸز پايدالانىلۋدا. مال بٸر جەردە شوعىرلانعاندىقتان, جەر دە تەز ازادى. قالىپتى جايىلىم اينالىمى بولماعان سوڭ مال ازىعىنىڭ تاپشىلىعى دا بايقالادى, ەسٸرەسە, قۋاڭشىلىق جىلدارى. بۇل مەسەلەنٸڭ مەنٸسٸنە تولىق جەتۋ ٷشٸن ارنايى عىلىمي زەرتتەۋ جٷرگٸزۋ كەرەك», - دەيدٸ عالىم.
«كيٸكتەردٸڭ كٶبەيۋٸ عانا ەمەس, مال جايىلىمى جٷيەسٸنٸڭ بۇزىلۋى دا جەرگە ەسەر ەتەدٸ. ياعني سەبەپ بٸرنەشە. سوندىقتان قانداي دا بولسىن شەشٸمدەر نەمەسە ۇسىنىمدار ناقتى جٷرگٸزٸلگەن زەرتتەۋلەر نەگٸزٸندە قابىلدانۋى تيٸس. مۇنداي زەرتتەۋدٸ, مىسالى, الداعى جاز ايلارىندا جٷرگٸزۋگە بولادى. قازٸرگٸ تاڭدا, مەنٸڭ بٸلۋٸمشە, «وحوتزووپروم» مەكەمەسٸ كيٸكتەردٸڭ پوپۋلياتسيياسىن باسقارۋ باعىتىندا ٸس-شارالاردى جوسپارلاۋدا, تٷرلٸ تەسٸلدەر قاراستىرىلۋدا», دەپ قورىتىندىلادى سەرگەي سكليارەنكو.
