كيەۆتەگٸ تەلەمۇناراعا تيگەن زىمىران سوققىسى قازاقستاننىڭ ۋكرايناداعى ەلشٸلٸگٸنەن 800 مەتر جەردە بولعان. بۇل تۋرالى قازاقستاننىڭ ۋكرايناداعى تٶتەنشە جەنە ٶكٸلەتتٸ ەلشٸسٸ دارحان كەلەتاەۆ ايتتى, - دەپ حابارلايدى Tengrinews.kz اگەنتتٸگٸ.
"تٷندە ەلشٸلٸكتەن 800 مەتر قاشىقتا تەلەمۇنارا ماڭىندا جارىلىس بولدى. قازٸر ونى بارلىق جەردەن كٶرسەتٸپ جاتىر. لۋكيانوۆكا اۋدانى بٸزگە جاقىن ورنالاسقان, تٷنٸ بويى اتىس داۋىسى ەستٸلدٸ. ازاماتتار جەرتٶلەدە بولدى. قازاقستاندىقتار اراسىندا زارداپ شەككەندەر جوق", - دەدٸ ەلشٸ.
قازاقستاننىڭ كيەۆتەگٸ ەلشٸلٸگٸنٸڭ قاۋٸپسٸزدٸگٸ تۋرالى سۇراققا كەلەتاەۆ ديپلوماتتاردى ۋكراينا ۇلتتىق ۇلانىنان ٷش ادام قورعايتىنىن ايتتى.
"مەنٸڭ ويىمشا, ەلشٸلٸككە ەشكٸم تيٸسپەيدٸ. ەڭ باستىسى, سنارياد تٷسپەسە بولدى", - دەدٸ ەلشٸ.
دارحان كەلەتاەۆ تٶتەنشە جاعداي كەزٸندە قازاقستان ەلشٸلٸگٸن ەۆاكۋاتسييالاۋعا قاتىستى مەسەلە قاراستىرىلمايتىنىن ايتتى.
"قازٸر كەتٸپ قالساق, وتانىنا ورالىپ ٷلگەرمەگەن قازاقستاندىقتار نە ٸستەۋ كەرەك? قازٸر, مىسالى, اۆتوبۋس كەتۋٸنە بٸر ساعات قالعاندا, ادامدار قوڭىراۋ شالىپ, نە ٸستەۋ كەرەك ەكەنٸن سۇرايدى. ٶيتكەنٸ ادامدار تٷرلٸ جەردە جٷر. كٶپتەگەن ادام كيەۆتە بٸزگە جەتە الماي وتىر. بٸز كەتٸپ قالساق, ولار نە ٸستەيدٸ?", - دەپ مەلٸمدەدٸ ول.
سونداي-اق, ەلشٸ ۋكراينانىڭ سۋمى قالاسىنداعى قازاقستاندىق ستۋدەنت دەنيس تەرنوۆكە قاتىستى جاعدايدى ايتتى. كەلەتاەۆتىڭ ايتۋىنشا, ديپلوماتتار ونى جەرگٸلٸكتٸ وتباسىلاردىڭ بٸرٸنە ورنالاستىرعان.
"قازاقستاننىڭ بەلسەندٸلەرٸ, باستاماشىل توپتارى قازٸر دەنيستٸ وتانعا جەتكٸزۋدٸڭ تٷرلٸ جولدارىن ٸزدەستٸرٸپ جاتىر. تٸپتٸ حالىقارالىق ۇيىمدارعا جٷگٸنٸپ جاتىر. قازٸر بۇل ٶتە قاۋٸپتٸ ەكەنٸن ايتقىم كەلەدٸ. اتىس بولىپ جاتىر. ول قاۋٸپسٸز, جاقسى وتباسىندا. ولارمەن بايلانىستامىز", - دەپ تٷيٸندەدٸ ەلشٸ.
