ۋكراينا استاناسى كيەۆ قالاسىندا سول ەلدە تۇراتىن قانداستاردىڭ قۇرىلتايى ٶتٸپ جاتىر, دەپ حابارلايدى "ۇلت اقپارات" وتانداستار قورىنىڭ باسپاسٶز قىزمەتٸنە سٸلتەمە جاساپ.
ەل تەۋەلسٸزدٸگٸنٸڭ 30 جىلدىعىن مەرەكەلەۋ اياسىندا قازاقستاننىڭ ۋكرايناداعى ەلشٸلٸگٸ مەن قازاق دياسپوراسى بٸرلەسٸپ ۇيىمداستىرعان ۋكراينادا تۇراتىن قازاقتاردىڭ قۇرىلتايى العاش رەت ٶتٸپ وتىر.
اتالعان شارادا قر ۋكرايناداعى ەلشٸسٸ دارحان قالەتاەۆ قۇتتىقتاۋ سٶز سٶيلەپ, اتاجۇرتتىڭ ىستىق سەلەمٸن جەتكٸزدٸ.
سونداي-اق, قۇرىلتاي وتىرىسىنا ۋكراينانىڭ ەتنوساياسي جەنە ار-وجدان بوستاندىعى جٶنٸندەگٸ مەملەكەتتٸك قىزمەت تٶراعاسى ەلەنا بوگدان, گۋميلەۆ اتىنداعى ەۋرازييا ۇلتتىق ۋنيۆەرسيتەتٸ رەكتورى ەرلان سىدىقوۆ جەنە ۋكراينا جوعارعى راداسىنىڭ حالىق دەپۋتاتى, قازاقستانمەن ىنتىماقتاستىق جٶنٸندەگٸ پارلامەنتارالىق توپتىڭ مٷشەسٸ, سەرگەي ناگورنياك قاتىستى.
قانداستاردىڭ باسقوسۋ جيىنىنىڭ ەكٸنشٸ بٶلٸگٸندە كيەۆ قالاسىنداعى «دوستىق» قازاق مەدەني قوعامىنىڭ باسشىسى دانييار ەگامبەرديەۆ, حاركوۆ قالاسىنداعى «بٸرلٸك» قازاقستاندىق ۇلتتىق قب باسشىسى ماككا قاراجانوۆا جەنە قازاق دياسپوراسىنىڭ ٶكٸلٸ رٷستەم جانعوجا شەتتەگٸ قانداستار اتىنان سٶز سٶيلەپ, اتاجۇرتپەن اراداعى رۋحاني, مەدەني, ەكونوميكالىق بايلانىستىڭ ارتۋىنا كٷش سالاتىنىن اتاپ ٶتتٸ.
تاتۋ بەرەكە-بٸرلٸك نەتيجەسٸندە حالقىمىز تالاي بەلەستەردٸ باعىندىراتىنىنا توقتالدى.
ەتنيكالىق ٶنەر قايراتكەرلەرٸ قاۋىمداستىعى باسقارماسىنىڭ پرەزيدەنتٸ, ۋكراينانىڭ ۇلتتىق قوعامداستىقتارى رادا تٶراعاسىنىڭ ورىنباسارى, ۋكراينانىڭ ەڭبەك سٸڭٸرگەن ەرتٸسٸ ينەش كدىروۆا ٶز سٶزٸندە ۋكراين جەنە قازاق حالقىنىڭ بەرٸك دوستىق قارىم-قاتىناسىنا ريزاشىلىعىن جەتكٸزدٸ.
سونىمەن قاتار, قۇرىلتاي سوڭىندا جاڭا قاۋىمداستىق باسشىسى سايلانىپ, وسىعان دەيٸن اتقارىلعان باعدارلاما مەن جوبالارعا قاتىستى ۇسىنىس-پٸكٸرلەر قورىتىندىلانادى.
ودان بٶلەك, قوعامدىق جۇمىسقا بەلسەنە ارالاسقان قانداستارىمىز قر ۋكرايناداعى ەلشٸسٸ مەن «وتانداستار قورى» كەاق العىس حاتىمەن ماراپاتتالادى.
