كيەۆ سوتى رەسەي ەسكەرٸنٸڭ سەرجانتى ۆاديم شيشيماريندٸ قارۋسىز ادامدى قاساقانا ٶلتٸرٸپ, زاڭ مەن سوعىس دەستٷرٸن بۇزعانى ٷشٸن ٶمٸر بويىنا باس بوستاندىعىنان ايىردى, دەپ حابارلايدى ازاتتىق.
بۇعان دەيٸن ۋكراينا پروكۋراتۋراسى دا مەسكەۋ وبلىسىنىڭ كانتەميروۆسك تانك ديۆيزيياسىنىڭ 21 جاستاعى بٶلٸم كومانديرٸن ٶمٸر بويىنا تٷرمەگە قاماۋدى سۇراعان.
تەرگەۋ مەلٸمەتٸنە قاراعاندا, بيىل 28 اقپاندا رەسەي سەرجانتى 62 جاستاعى بەيبٸت ادام الەكساندر شەليپوۆتى باسىنان اتىپ ٶلتٸرگەن. بۇل وقيعا سۋمسك وبلىسىنىڭ چۋپاحوۆكا كەنتٸندە بولعان.
سوتتىڭ سوڭعى وتىرىسىندا شيشيمارين كٸنەسٸن مويىنداپ, جاساعان ەرەكەتتەرٸن ايتىپ بەرۋگە كەلٸسكەن.
ازاتتىق راديوسىنىڭ ۋكراين رەداكتسيياسىنىڭ جازۋىنا قاراعاندا ۆاديم شيشيمارين "قارۋسىز ادامدى نەگە اتتىڭ" دەگەن سۋديالار سۇراعىنا "ٶلتٸرگٸسٸ كەلمەگەنٸن, ٶزٸنەن اۋلاق كەتٸرۋ ٷشٸن عانا اتقانىن" ايتقان. "پراپورششيك ماكەەۆ اتىپ تاستا دەپ بۇيرىق بەردٸ. مەن باس تارتتىم. تاعى بٸر ەسكەري قىزمەتكەر اتىپ تاستا دەپ ٶكتەم داۋىسپەن بۇيىردى, ەيتپەسە "بٸزدٸ ساتىپ كەتەسٸڭ" دەدٸ. سودان سوڭ اتتىم", – دەپ جاۋاپ بەرگەن.
ٶلگەن ادامنىڭ سوتتا سٶيلەگەن جەسٸرٸ ەكاتەرينا شەليپوۆا دا كٸنەلٸ سەرجانتتى ٶمٸر بويىنا بوستاندىعىنان ايىرۋدى سۇراعان, بٸراق "ازوۆستالدٸ" قورعاعان ۋكراينا جاۋىنگەرلەرٸنە ايىرباستاسى قارسى بولمايتىنىن" ايتقان.
"سەرجانتقا ۋكراينا بەكٸتكەن ادۆوكات سٶزٸنشە, رەسەي شەنەۋنٸكتەرٸ نەمەسە رەسەي قورعانىس مينيسترلٸگٸنٸڭ ەشبٸر ٶكٸلٸ شيشيمارينمەن سٶيلەسۋگە تىرىسپاعان" دەيدٸ بي-بي-سي.
ۆاديم شيشيمارين ٸسٸ – بيىل 24 اقپاندا رەسەي ۋكرايناعا باسىپ كٸرگەلٸ رەسەي جاۋىنگەرلەرٸنٸڭ قىلمىسىنا بايلانىستى العاش بولعان سوت پروتسەسٸ.
