تۋريزم يندۋستريياسى كوميتەتٸنٸڭ تٶراعاسى داستان رىسپەكوۆ ٷش بالالى وتباسىنىڭ نۇر-سۇلتاننان الاكٶلگە بارىپ دەمالۋى Kids go free بويىنشا نەشە تەڭگەگە شىعاتىنىن ايتتى, دەپ حابارلايدى قازاقپارات.
«بالالاردىڭ ۇشاق بيلەتٸنٸڭ قۇنى تەك تۋريستٸك پاكەتتٸڭ ٸشٸندە بولعان كەزدە عانا سۋبسيدييالاناتىنىن باسا ايتقىم كەلەدٸ. ياعني, سٸز تۋريستٸك وپەراتوردىڭ قىزمەتٸنە جٷگٸنبەي, ٶز بەتٸڭٸزبەن ۇشقان بولساڭىز, بيلەت قۇنى تٶلەنبەيدٸ. ال تۋريستٸك وپەراتوردىڭ كٶمەگٸمەن دەمالعان بولساڭىز, ٷنەم 20-30 پايىز بولادى. مىسالى, 3 بالالى وتباسى نۇر-سۇلتاننان الاكٶلگە بٸر اپتالىق دەمالىسقا باردى دەيٸك. ونىڭ شىعىنى قالىپتى جاعدايدا 350-400 مىڭ تەڭگە بولادى. وسىنىڭ ٸشٸندە شامامەن 100 مىڭ تەڭگەنٸ Kids go free باعدارلاماسى بويىنشا ٷنەمدەۋگە بولادى. سوندا بٸر وتباسى ٷشٸن اپتالىق تۋرپاكەتتٸڭ قۇنى 250 مىڭ تەڭگەگە شىعادى دەگەن سٶز», - دەدٸ داستان رىسپەكوۆ.
Kazakh Tourism كومپانيياسىنىڭ باسقارما تٶراعاسى ەرجان ەركٸنباەۆ تۋريستٸك وپەراتورلاردىڭ كٶمەگٸنسٸز, ٶز بەتٸمەن دەمالاتىن وتباسىلارعا نەگە مۇنداي جەڭٸلدٸك ۇسىنىلمايتىنىن تٷسٸندٸردٸ.
«ەل ٸشٸندە دەمالۋعا بارعان كەزدە تۋىستاردىڭ ٷيٸن پانالاۋ تيٸمدٸ بولۋى مٷمكٸن. بٸراق Kids go free باعدارلاماسىنىڭ فيلوسوفيياسى مەن مەنٸ تەك بالالارعا تەگٸن بيلەت ۇسىنۋعا ارنالماعان. باستى ماقسات – وتباسىلىق دەمالىستىڭ تانىمالدىعىن ارتتىرۋ. ونىڭ ٷستٸنە جايعاسۋ ورىندارىن, وتباسىمەن دەمالۋشىلارعا ارنالعان قىزمەت تٷرلەرٸن كٶبەيتۋگە يتەرمەلەۋٸمٸز كەرەك. تۋريستٸك وپەراتورلار دەل وسى وتباسىلىق ساپارلارعا كٶبٸرەك كٶڭٸل بٶلۋ ٷشٸن دە وسىنداي تەتٸك قاجەت. باعدارلاماعا تەك ۇشاق بيلەتتەرٸنٸڭ سۋبسيديياسى كٸرگەنٸنٸڭ دە سەبەبٸ بار. قازاقستاندىقتار ٶز بالالارىنا ەلٸمٸزدٸڭ ٶزگە بۇرىشتارىن كٶرسەتٸپ, تۋريستٸك ەلەۋەتٸن تانىتۋى كەرەك. بٸزدە لاندشافتىڭ تٷرٸ كٶپ. 13 ۇلتتىق پارك بار. كٶبٸمٸز ٶزٸمٸز تۇرىپ جاتقان ٶڭٸردەن الىسقا ۇزاپ شىقپايمىز. بۇل باعدارلاما وسىنداي وتباسىلارعا ارنالعان. سوندىقتان, مەنٸڭ ويىمشا Kids go free باعدارلاماسى بويىنشا ۇيىمداستىرىلعان دەمالىستى تۋىستارعا قوناق بولىپ بارۋمەن سالىستىرۋعا كەلمەيتٸن سيياقتى», - دەدٸ ەرجان ەركٸنباەۆ.
سونداي-اق, ول Kids go free باعدارلاماسىمەن الماتىعا 5 كٷندٸك دەمالىسپەن كەلگەن وتباسىنىڭ ورتاشا شىعىنىن ەسەپتەپ بەردٸ.
«ەكٸ ەرەسەك ادام, ٷش بالاسى بار وتباسى الماتىدا 4 قونىپ, دەمالۋعا كەلسە, ەرەسەكتەردٸڭ بيلەت قۇنى 80 مىڭ تەڭگە بولادى. وتباسىلىق قوناقٷي نٶمٸرٸنە 120 مىڭ تەڭگە كەتەدٸ. بۇل – ايتارلىقتاي جاقسى قوناقٷيدٸڭ باعاسى. 5 كٷندٸك اتراكتسيوندار شىعىنى 55 مىڭ تەڭگەدەي بولادى. 5 ادامنىڭ 4 كٷنگٸ تٷسكٸ اسى مەن كەشكٸ تاماعىنا 60 مىڭ تەڭگە شىعادى. سوندا بەرٸن قوسساق, 315 مىڭ تەڭگە. ال Kids go free بولماسا, شىعىن 415 مىڭ بولار ەدٸ. سوندا مۇندا دا 100 مىڭ تەڭگە ٷنەم بار دەگەن سٶز», - دەد ەرجان ەركٸنباەۆ.
