قر مەملەكەتتٸك قىزمەت ٸستەرٸ جەنە سىبايلاس جەمقورلىققا قارسى ٸس-قيمىل اگەنتتٸگٸنٸڭ سىبايلاس جەمقورلىققا قارسى كٷرەس بويىنشا ۇلتتىق بيۋروسى كٷدٸكتٸ ۆيكتور حراپۋنوۆ پەن لەيلا حراپۋنوۆانى, ا.ك.يلياسوۆتى جاۋاپ الۋعا شاقىردى, دەپ حابارلايدى "ۇلت اقپارات".
ۆەدومستۆونىڭ حابارلاۋىنشا, سىبايلاس جەمقورلىققا قارسى كٷرەس بويىنشا ۇلتتىق بيۋرو الماتى مەن شىعىس قازاقستان وبلىسىنىڭ بۇرىنعى ەكٸمٸ ۆ.ۆ. حراپۋنوۆ, ونىڭ زايىبى ل.ك.حراپۋنوۆا, ا.ك.يلياسوۆتى جەنە تاعى باسقا ادامدارعا قاتىستى قىلمىستىق ٸستٸ تەرگەپ جاتىر. تەرگەۋ بارىسىندا سىبايلاس جەمقورلىققا قارسى قىزمەت جوعارىدا اتالعان ادامدار مەن ولاردىڭ سىبايلاستارىنىڭ قۇقىققا قارسى ەرەكەتتەرٸن راستايتىن دەلەلدەردٸ تاپقان.
جينالعان ماتەريالدار اتالعان ادامداردىڭ ەرەكەتتەرٸن ۇيىمداسقان قىلمىستىق توپتى قۇرۋ جەنە وعان جەتەكشٸلٸك ەتۋ, لاۋازىمدى قىزمەتتٸ اسىرا پايدالانۋ, مەملەكەتتٸك مٷلٸك پەن بيۋدجەت قاراجاتىن الاياقتىق ارقىلى جىمقىرۋ, پارا الۋ جەنە ونى زاڭداستىرۋ رەتٸندە ايقىنداۋعا مٷمكٸندٸك بەردٸ.
«قر قىلمىستىق-پرەتسەسسۋالدىق كودەكسٸنٸڭ 208-بابى 1-بٶلٸگٸنە سەيكەس, كٷدٸكتٸلەر جاۋاپ الۋعا شاقىرىلادى. الايدا ۆ.ۆ. حراپۋنوۆ, ل.ك.حراپۋنوۆا, ا.ك.يلياسوۆتىڭ قازاقستان رەسپۋبليكاسى اۋماعىنان تىس جەردە بولىپ, ياعني جاۋاپ بەرۋدەن جالتارۋلارىنا بايلانىستى سىبايلاس جەمقورلىققا قارسى كٷرەس قىزمەتى قر قپك-نٸڭ 205-بابى 3-بٶلٸگٸ بويىنشا كٷدٸكتٸلەردٸ بۇقارالىق اقپارات قۇرالدارى ارقىلى جاۋاپ الۋعا شاقىرۋ تۋرالى اقپاراتتى جارييالايدى», - دەلٸنگەن حابارلامادا.
ۆەدومستۆونىڭ رەسمي مەلٸمەتٸنە سەيكەس, كٷدٸكتٸ رەتٸندەگٸ ۆ.ۆ. حراپۋنوۆ, ل.ك.حراپۋنوۆا, ا.ك.يلياسوۆتى 2017 جىلدىڭ 147 قازانى ساعات 15:00-گە دەيٸن قازاقستان رەسپۋبليكاسى, استانا قالاسى, سەيفۋللين كٶشەسٸ 37 مەكەن-جايىنداعى سىبايلاس جەمقورلىققا قارسى كٷرەس بويىنشا ۇلتتىق بيۋرونىڭ ەكٸمشٸلٸك عيماراتىنا تەرگەۋ دەپارتامەنتٸنٸڭ جەدەل-ٸزدەستٸرۋ توبىنىڭ جەتەكشٸسٸ سەرگەي نيكولاەۆيچ پەروۆكە كەلۋٸ كەرەك.
«تەرگەۋ جۇمىستارىنا قاتىسۋ ٷشٸن كٷدٸكتٸ ٶزٸمەن بٸرگە قورعاۋشىنى الىپ كەلۋگە نەمەسە ورگانعا قىلمىستىق ٸستٸ جٷرگٸزەتٸن (قر قپك 68-بابى) قورعاۋشىمەن قامتاماسىز ەتۋ تۋرالى ٶتٸنٸش بەرۋٸنە بولادى. ەگەر كٷدٸكتٸنٸڭ نەمەسە ونىڭ زاڭدى ٶكٸلٸنٸڭ شاقىرۋىمەن قورعاۋشى كەلمەسە, ورگان قىلمىستىق ٸستٸ جٷرگٸزەتٸن قورعاۋشىنى تاۋىپ بەرەدٸ (قر قپك 67-بابى). اتالعان مەرزٸمدە كەلۋگە بٸر سەبەپ كەدەرگٸ بولسا, سونىمەن بٸرگە قورعاۋشىنىڭ قاتىسۋىن قامتاماسىز ەتۋ تۋرالى سوتقا دەيٸنگٸ ٶندٸرٸستٸ جٷرگٸزەتٸن پروكۋرورعا نەمەسە ٶزگە دە تۇلعاعا ٶتٸنٸش جولداۋ كەرەك جاعدايدا كٷدٸكتٸ نەمەسە ونىڭ زاڭدى ٶكٸلٸ ورگانعا مٸندەتتٸ تٷردە بۇل تۋرالى ەسكەرتۋٸ كەرەك», - دەلٸنگەن حابارلامادا.
قۇزىرلى ۆەدومستۆو قر قپك 205-بابى 3-بٶلٸگٸ بويىنشا ۆيكتور حراپۋنوۆ پەن لەيلا حراپۋنوۆا, سونىمەن بٸرگە ا.ك.يلياسوۆتى شاقىرۋ تۋرالى مەلٸمەت رەسپۋبليكالىق بۇقارالىق اقپارات قۇرالدارى مەن شۆەيتساريياداعى بۇقارالىق اقپارات قۇرالدارىنا جارييالاناتىنىن حابارلايدى.
