ەلوردادا شايبالى حوككەيدەن قر پرەزيدەنتٸ كۋبوگىنىڭ ەكٸنشٸ ويىن كٷنٸ اياقتالدى, دەپ حابارلايدى "ۇلت اقپارات".
ەلوردالىق «بارىس» ەكٸنشٸ ويىنىن قىتايدىڭ «كۋنلۋن رەد ستار» كومانداسىنا قارسى ٶتكٸزدٸ. ويىن بارىسىندا قازاقستاندىق كلۋبتىڭ باسىمدىعى بايقالىپ تۇردى.
بٸرٸنشٸ كەزەڭنٸڭ 5-مينۋتىندا ەلوردالىق كلۋبتان مەتت فرەتتين ەسەپ اشتى. ودان كەيٸن كيريلل ساۆيتسكيي 32, كودي كۋنيك 33, نيكيتا ميحايليس 34-مينۋتتا «بارىستىڭ» باسىمدىعىن ارتتىرا تٷستٸ.
ال «كۋنلۋن رەد ستار» ويىنشىلارى پاركەر فۋ 39, گرەگ سكۆايرز 54-مينۋتتاردا گول سوعىپ, ەسەپ ايىرماسىن قىسقارتقان ەدٸ.
ويىننىڭ 56-مينۋتىندا رومان ستارچەنكو قورىتىندى ەسەپتٸ بەلگٸلەدٸ.
نەتيجەسٸندە «بارىس» قارسىلاسىنان 6:2 ەسەبٸمەن باسىم تٷستٸ.
سونداي-اق, بٷگٸن قاراعاندىنىڭ «سارىارقاسى» ٶسكەمەننٸڭ «تورپەدوسىن» 2:1 ەسەبٸمەن جەڭدٸ.
العاشقى تۋردا «بارىس» «سارىارقاعا», «تورپەدو» «كۋنلۋن رەد ستارعا» 3:4 ەسەبٸمەن ەسە جٸبەرگەن ەدٸ.
ايتا كەتەيٸك, اتالعان تۋرنير 15 تامىزدا مەرەسٸنە جەتەدٸ. ەندٸ 14 تامىزدا «بارىس» پەن «تورپەدو», «سارىارقا» مەن «كۋنلۋن رەد ستار» كوماندالارى شەبەرلٸك بايقاسادى.
كوماندالار ٸرٸكتەۋ ساتىسىندا بٸر-بٸر ويىننان ٶتكٸزەدٸ. ودان كەيٸن العاشقى ەكٸ ورىنداعى ۇجىمدار جارىستىڭ فينالدىق ساتىسىنا شىقسا, قالعان ەكەۋٸ ٷشٸنشٸ ورىن ٷشٸن سايىسقا تٷسەدٸ.
