شايبالى حوككەيدەن 2021 جىلعى ەلەم چەمپيوناتىنىڭ ەليتالىق ديۆيزيونىندا بٷگٸن, 29 مامىردا قازاقستان قۇراماسى يتالييامەن كەزدەسەدٸ, دەپ حابارلايدى "ۇلت اقپارات".
اتالعان ويىن ەلوردا ۋاقىتىمەن 15.15-تە باستالىپ, Qazsport تەلەارناسىنان تٸكەلەي ەفيردە كٶرسەتٸلەدٸ.
ەكٸ قۇراما بۇعان دەيٸن جەتٸ مەرتە كەزدەستٸ. ونىڭ ٷشەۋٸندە يتالياندىق حوككەيشٸلەر جەڭٸسكە جەتسە, قالعانىندا قازاقستاندىق قۇرامانىڭ مەرەيٸ ٷستەم بولدى.
ەسكە سالساق, قازاقستان قۇراماسى بيىلعى تۋرنيردە بۇعان دەيٸن بەس كەزدەسۋ ٶتكٸزٸپ, ٷشەۋٸندە جەڭٸسكە جەتتٸ. الدىمەن بۋلليتتەن لاتۆييادان 2:1, فينلياندييادان 3:2 ەسەبٸمەن باسىم تٷسسە, ودان كەيٸن اقش-قا 0:3 ەسەبٸمەن ەسە جٸبەردٸ. تٶرتٸنشٸ كەزدەسۋدە گەرمانييانى 3:2 ەسەبٸمەن تٸزە بٷكتٸرٸپ, ودان كەيٸن كاناداعا 2:4 ەسەبٸمەن جول بەردٸ.
ال يتالييا تٶرت كەزدەسۋدٸڭ بارلىعىندا جەڭٸلٸستٸڭ اششى دەمٸن تاتىپ, گەرمانيياعا 49, نورۆەگيياعا 1:4, لاتۆييا مەن فينليانديياعا 0:3 ەسەبٸمەن جول بەردٸ. تۋرنير كەستەسٸندە سەگٸزٸنشٸ ورىندا مٸسە تۇتتى.
