«بارىس» حوككەي كلۋبى شابۋىلشى رومان ستارچەنكومەن كەلٸسٸمشارتتى ۇزارتتى, دەپ حابارلايدى "ۇلت اقپارات".
«بارىس» حوككەي كلۋبى مەلٸم ەتكەنٸندەي, بٸرجاقتى كەلٸسٸم 2 جىلعا جاسالعان.
ر.ستارچەنكو – قۇرلىقتىق حوككەي ليگاسى (قحل) قۇرىلعاننان بەرٸ «بارىس» ساپىندا ٶنەر كٶرسەتٸپ كەلە جاتقان بٸردەن-بٸر ويىنشى.
ٶتكەن ماۋسىمدا پلەي-وفتى قوسقاندا, 33 جاستاعى شابۋىلشى 58 ماتچ ٶتكٸزٸپ, 35 (18+17) ۇپاي جينادى. قحل-دا ونىڭ ەسەبٸندە 634 ويىندا بارلىعى 318 (176+142) ۇپاي بار.
قحل-داعى «بارىس» تاريحىنداعى مەرگەندەر كٶشٸندە ر.ستارچەنكو نايدجەل دوۋس (217) پەن برەندون بوچەنسكييدەن (179) كەيٸن ٷزدٸك ٷشتٸكتٸ تٷيٸندەپ تۇر. ونىڭ جاڭا ماۋسىمدا-اق ب.بوچەنسكييدٸ باسىپ وزاتىنداي مٷمكٸندٸگٸ بار.
ر.ستارچەنكونىڭ قازاقستان ۇلتتىق قۇراماسىنىڭ بەدەلدٸ ويىنشىلارىنىڭ بٸرٸ ەكەندٸگٸ بەلگٸلٸ. جۋىردا حالىقارالىق حوككەي فەدەراتسيياسى قازاقستاننىڭ ەلەم چەمپيوناتتارىنىڭ ەليتالىق ديۆيزيونىنداعى كٶرسەتكٸشتەرٸن سارالاي وتىرىپ, ەڭ ٷزدٸك قۇرامدى جارييا ەتتٸ. بۇعان قاقپاشى ۆيتاليي ەرەمەەۆ, قورعاۋشىلار ەۆگەنيي پالادەۆ پەن الەكسەي تروششينسكيي, شابۋىلشىلار تالعات جايلاۋوۆ, نيكولاي انتروپوۆ جەنە ەۆگەنيي كورەشكوۆ كٸردٸ. فەدەراتسييا سونىمەن قاتار قاقپاشى ۆيتاليي كولەسنيك, قورعاۋشى كەۆين داللمەن, شابۋىلشىلار ەرلان ساعىمباەۆ پەن رومان ستارچەنكونىڭ دا ەسٸمدەرٸن اتاپ ٶتتٸ.
«بارىس» كلۋبى مۇنىڭ الدىندا انتون نەكرياچ, اركاديي شەستاكوۆ, يۆان ۆەرەششاگين سىندى ويىنشىلارمەن كەلٸسٸمشارتتى ۇزارتقان بولاتىن.
1 مامىر كٷنٸ قحل-دا ترانسفەرلٸك تەرەزە اشىلىپ, «بارىستان» بٸرنەشە بەلدٸ حوككەيشٸنٸڭ كەتكەنٸ بەلگٸلٸ بولدى. اتاپ ايتقاندا, قاقپاشى ەددي پاسكۋالە مەن قورعاۋشى, ەلەم چەمپيونى اتتە وحتاماا «لوكوموتيۆ» (ياروسلاۆل) كلۋبىنىڭ قاتارىن تولىقتىرسا, شابۋىلشى كوربەن نايت ومبىلىق «اۆانگاردقا» كەتتٸ.
بيىل «بارىستان» قول ٷزگەن بەلارۋس مامانى اندرەي سكابەلكانىڭ وسى «لوكوموتيۆتٸڭ» تٸزگٸنٸن ۇستايتىنى ايتىلۋدا. سوندىقتان ەلوردالىق كلۋبقا جاڭا باس باپكەر مەن تىڭنان باسقا دا ويىنشىلاردىڭ كەلەتٸنٸ انىق.
ەسكە سالا كەتەيٸك, بۇدان بۇرىن اندرەي سكابەلكانىڭ «بارىستىڭ» باس باپكەرٸ قىزمەتٸنەن كەتكەنٸن جازعان بولاتىنبىز.
