«بارىس» قۇرلىقتىق حوككەي ليگاسىندا بٷگٸن, 4 جەلتوقساندا, ەلوردادا رەسەيدٸڭ «لوكوموتيۆ» (ياروسلاۆل) كومانداسىن قابىلدادى, دەپ حابارلايدى "ۇلت اقپارات".
بٷگٸنگٸ كەزدەسۋدە كوماندالار تارتىستى ويىن كٶرسەتتٸ. ەلوردالىق حوككەيشٸلەر وين باستالا سالىسىمەن العا قاراي ۇمتىلا تٷستٸ. نەتيجەسٸندە 8-مينۋتتا «بارىس» حوككەيشٸسٸ انتون ساگادەەۆ ەسەپ اشتى. رەسەيلٸك كوماندا بٸرٸنشٸ كەزەڭدە شابۋىلعا شىقتى. دەسە دە تابلوداعى ەسەپ ٶزگەرگەن جوق.
ەكٸنشٸ كەزەڭدە قوس كوماندا دا بٸر-بٸر شايبادان سوقتى. ويىننىڭ 27-مينۋتىندا «لوكوموتيۆ» حوككەيشٸسٸ گەورگيي يۆانوۆ تارازى باسىن تەڭەستٸردٸ. ال 37-مينۋتتا ەلوردالىق مەتت فرەتتين قايتادان «بارىستى» العا شىعاردى. ەلوردالىق لينۋس ۆيددەل 59-مينۋتتا بوس تۇرعان قاقپاعا گول سوعىپ, قورىتىندى ەسەپتٸ بەلگٸلەدٸ.
ايتا كەتەلٸك, 10 قاراشادا ەلوردالىق كلۋب اتالعان قارسىلاسىنان 2:7 ەسەبٸمەن جەڭٸلٸپ قالعان ەدٸ. سول جولى كەتكەن ەسەنٸ «بارىس» بٷگٸن قايتاردى.
ەندٸ «بارىس» 6 جەلتوقساندا رەسەيدٸڭ «ۆيتياز» (پودولسك) كومانداسىن قابىلدايدى.
