«بارىس» قۇرلىقتىق حوككەي ليگاسىنداعى كەزەكتٸ كەزدەسۋٸن ەكاتەرينبۋرگتە جەرگٸلٸكتٸ «اۆتوموبيليست» كومانداسىمەن ٶتكٸزدٸ, دەپ حابارلايدى قازاقپارات.
ويىننىڭ بٸرٸنشٸ بٶلٸگٸندە ايدىن يەلەرٸ باسىمداۋ بولعانىمەن, ەسەپ اشىلعان جوق. «بارىستىڭ» قاقپاشىسى يوني ورتيو سەتتٸ ويناي بٸلدٸ.
ەكٸنشٸ كەزەڭ بارىسىندا ەلوردالىقتار شۆەتسييالىق يۋحان ماتتسسون قورعاعان قاقپانى كٶبٸرەك نىساناعا العانىمەن, شەشۋشٸ سەتتە مٷلت كەتٸپ جاتتى. تٸپتٸ سان باسىمدىلىعىن دا پايدالانا المادى. دەگەنمەن 35-مينۋتتا «بارىستىڭ» كاپيتانى رومان ستارچەنكو مەرگەندٸك تانىتتى – 1:0.
ٷشٸنشٸ تايم سوڭىندا «اۆتوموبيليست» كومانداسى قاقپاشىسىن ويىنشىعا اۋىستىرعان سەتتە ليندەن ۆەي ەسەپتٸ 2:0-گە جەتكٸزدٸ.
وسىلايشا 40 ۇپاي جيناعان ەلوردالىق كلۋب شىعىس كونفەرەنتسيياسىندا «اۆتوموبيليستٸ» ارتقا قالدىرىپ, جەتٸنشٸ ورىنعا كٶتەرٸلدٸ.
يۋريي ميحايليستٸڭ شەكٸرتتەرٸ كەلەسٸ ماتچىن 23 جەلتوقسان كٷنٸ تاتارستان استاناسى قازاندا جەرگٸلٸكتٸ «اك بارس» كومانداسىمەن ٶتكٸزەدٸ.
