قۇرلىقتىق حوككەي ليگاسىنىڭ پلەي-وفف ساتىسىندا ەلوردالىق «بارىس» بٷگٸن, 12 ناۋرىزدا رەسەيدە «مەتاللۋرگ» (ماگنيتوگورسك) كومانداسىمەن التىنشى ويىن ٶتكٸزدٸ, دەپ حابارلايدى "ۇلت اقپارات".
ەستەرٸڭٸزگە سالا كەتەلٸك, جەڭٸستەر سەريياسى بويىنشا «مەتاللۋرگ» 3:2 ەسەبٸمەن الدا تۇرعان بولاتىن. بٷگٸن «مەتاللۋرگ» جەڭٸسكە جەتكەن جاعدايدا شىعىس كونفەرەنتسيياسىندا جارتىلاي فينالعا جولداما الاتىن ەدٸ. ال ەلوردالىق كلۋب باسىم تٷسسە, ويىندار سەريياسى تاعى بٸر كەزدەسۋگە سوزىلاتىن.
بٸرٸنشٸ كەزەڭدە ەكٸ كوماندا بٸر-بٸرٸنٸڭ قاقپاسىنان ساڭىلاۋ تابا العان جوق. ال ەكٸنشٸ كەزەڭدە كوماندالار شابۋىل شەبٸنەن كٶبٸرەك بوي كٶرسەتتٸ.
الدىمەن «مەتاللۋرگ» ساپىنان سەميون كوشەلەۆ 25-مينۋتتا ەسەپ اشتى. ودان كەيٸن «بارىس» حوككەيشٸسٸ لينۋس ۆيددەل تارازى باسىن تەڭەستٸردٸ. ال 36-مينۋتتا دەننيس راسمۋسسەن قايتادان رەسەيلٸك كلۋبتى العا شىعاردى. قازاقستاندىق نيكيتا ميحايليس 39-مينۋتتا مەرگەندٸك تانىتتى. ەسەپ 2:2.
ٷشٸنشٸ كەزەڭدە رەسەيلٸك سەرگەي موزياكين – 45, تەيلور بەك 54-مينۋتتاردا گول سوعىپ, ەسەپتٸ ۇلعايتا تٷستٸ. «بارىس» حوككەيشٸسٸ كيريلل پانيۋكوۆ 57-مينۋتتا ەسەپ ايىرماسىن قىسقارتتى. «مەتاللۋرگ» ساپىنان 58-مينۋتتا سەرگەي پلوتنيكوۆ قورىتىندى ەسەپتٸ بەلگٸلەدٸ. وسىلايشا ەلوردالىق كوماندا قارسىلاسىنا 2:5 ەسەبٸمەن ەسە جٸبەردٸ.
رەسەيلٸك كلۋب جەڭٸستەر سەريياسىندا وسىلايشا 4:2 ەسەبٸمەن جەڭٸسكە جەتتٸ. نەتيجەسٸندە جارتىلاي فينالعا جولداما الدى.
قازٸرگٸ ۋاقىتتا 1/2 فينالعا التى كوماندا شىقتى. ولاردىڭ قاتارىندا تسسكا, «لوكوموتيۆ», سكا, «دينامو», «اك بارس», «سالاۆات يۋلاەۆ», «اۆانگارد» كلۋبتارى بار.
