بٷگٸن مونيتورينگ توپ ەلورداداعى مامانداندىرىلعان حالىققا قىزمەت كٶرسەتۋ ورتالىعىنىڭ كارانتين جاعدايىنداعى جۇمىسىمەن تانىستى. ونىڭ قۇرامىنا قر سىبايلاس جەمقورلىققا قارسى ٸس-قيمىل اگەنتتٸگٸ مەن ٸشكٸ ٸستەر ورگاندارى ٶكٸلدەرٸ كٸرگەن, دەپ حابارلايدى قازاقپارات.
«بٸزگە ەلەۋمەتتٸك جەلٸلەر ارقىلى ازاماتتاردان حالىققا قىزمەت كٶرسەتۋ ورتالىعىنىڭ قىزمەتٸنە قاتىستى كٶپتەگەن شاعىمدار كەلٸپ تٷسٸپ جاتىر. ٶز كەزەگٸمٸزدە بٸز بۇل مەسەلەنٸ تالداپ, تيٸستٸ شارا قولداناتىن بولامىز. بٷگٸن نۇر-سۇلتان قالاسىنداعى مامانداندىرىلعان حالىققا قىزمەت كٶرسەتۋ ورتالىعىنىڭ جۇمىسى بارىسىمەن تانىسۋعا ارنايى كەلٸپ وتىرمىز. جالپى الاتىن بولساق, بۇل بٸزدٸڭ اگەنتتٸكتٸڭ قۇزىرەتٸنە كٸرمەيتٸن مٸندەت. دەگەنمەن ادامداردان شاعىم كەلٸپ تٷسكەندٸكتەن, حالىق ٷنٸنە قۇلاق اسىپ مونيتورينگ جٷرگٸزٸپ جاتىرمىز», - دەدٸ قر سىبايلاس جەمقورلىققا قارسى ٸس-قيمىل اگەنتتٸگٸ تٶراعاسىنىڭ ورىنباسارى ولجاس بەكتەنوۆ.
ونىڭ ايتۋىنشا, حقكو-داعى بٷگٸنگٸ مەسەلە كەزەكتٸ ونلاين برونداۋ مەن قىزمەت الۋعا قاتىستى بولىپ وتىر.
«بۇل مەسەلەنٸ ۇلتتىق اقپاراتتىق تەحنولوگييالار باسشىلىعىمەن بٸرلەسٸپ شەشەمٸز. ياعني 3 تامىزعا دەيٸن حقكو-داعى كەزەكتٸ برونداۋ پروبلەماسى بٸرجاقتى بولادى. وسى تۇرعىدا قۇزىرەتتٸ ورگانداردىڭ جۇمىسىنداعى كەمشٸلٸكتٸڭ بارىن ايتىپ ٶتكەن جٶن, بٸز ونى جاسىرمايمىز. حالىققا قىزمەت كٶرسەتۋ ورتالىعى قىزمەتٸندەگٸ تاعى بٸر كەدەرگٸ الىپساتارلاردىڭ پروبلەماسى. نەگٸزٸ الىپساتارلاردىڭ مەسەلەسٸمەن قۇقىق قورعاۋ ورگاندارى اينالىسۋى تيٸس, سەبەبٸ ول سىبايلاس جەمقورلىق ەرەكەتٸنە جاتپايدى», - دەدٸ ول.
اگەنتتٸك تٶراعاسى ورىنباسارىنىڭ پٸكٸرٸنشە, مەملەكەتتٸك قىزمەت كٶرسەتۋدٸڭ ساپاسىن ارتتىرۋ ٷشٸن قوعامدىق باقىلاۋدى كٷشەيتۋ كەرەك.
