لوندون قالاسىنداعى حيتروۋ ەندٸ ەۋروپانىڭ ەڭ تانىمال ەۋەجايى ەمەس. Times گازەتٸنٸڭ دٷيسەنبٸ كٷنٸ جازۋىنشا, ول ەۋروپانىڭ ەڭ تانىمال ەۋەجايلارى تٸزٸمٸندە 10-شى ورىنعا تٷسكەن. پاندەميياعا دەيٸن حيتروۋ بۇل تٸزٸمدە كٶش باستاپ تۇرعان ەدٸ. بۇل تۋرالى قازاقپارات تاسس اگەنتتٸگٸنە سٸلتەمە جاساپ حابارلايدى.
بيىلعى جىلدىڭ تامىز ايىندا حيتروۋدا نەبەرٸ 19,5 مىڭ رەيسكە قىزمەت كٶرسەتٸلگەن. ال امستەردامداعى سحيپحول بۇل كٶرسەتكٸش بويىنشا رەكورد ورناتىپ, 33 مىڭ رەيسكە قىزمەت ەتتٸ. ەۋروپانىڭ ادام ەڭ كٶپ جينالاتىن ەۋەجايىنىڭ اراسىندا انتاليا, افينا, بارسەلونا, مادريد, مايوركا, ىستانبۇل جەنە فرانكفۋرت, سونداي-اق پاريجدٸك رۋاسسي - شارل دە گولل ەۋە ايلاقتارى دە بار.
حيتروۋداعى جولاۋشىلار اعىنى ٶتكەن ايدا 2,2 ملن ادامعا جەتكەن. بۇل – 2020 جىلدىڭ كٶكتەمٸنەن بەرٸ ەڭ جوعارى كٶرسەتكٸش.
The Times باسىلىمىنىڭ جازۋىنشا, ەۋروپانىڭ كٶپتەگەن ەۋەجايلارىندا بۇل كٶرسەتكٸش حيتروۋعا قاراعاندا ەلدەقايدا جىلدام ٶسٸپ كەلەدٸ. بۇرىنعى دەڭگەيگە باياۋ ورالۋ سەبەپتەرٸنٸڭ بٸرٸ – ەۋروپانىڭ باسقا ەلدەرٸنە قاراعاندا شەتەلدەن ۇلىبريتانيياعا كٸرۋگە تالاپ ٶتە قاتاڭ.
ەۋە ايلاعىنىڭ ەكٸمشٸلٸگٸ ەل ٷكٸمەتٸن ولاردى جەڭٸلدەتٸپ, قولدانىستاعى كوروناۆيرۋس شەكتەۋلەرٸنٸڭ بٸر بٶلٸگٸن, سونىڭ ٸشٸندە ەلگە كٸرگەننەن كەيٸن قۇنى قىمبات پتر تالداۋدى ەكٸ رەت ٶتۋ تالابىن الىپ تاستاۋعا ٷندەپ وتىر.
