London qalasyndaǵy Hitroý endi Eýropanyń eń tanymal áýejaiy emes. Times gazetiniń dúisenbi kúni jazýynsha, ol Eýropanyń eń tanymal áýejailary tiziminde 10-shy orynǵa túsken. Pandemiiaǵa deiin Hitroý bul tizimde kósh bastap turǵan edi. Bul týraly QazAqparat TASS agenttigine silteme jasap habarlaidy.
Biylǵy jyldyń tamyz aiynda Hitroýda nebári 19,5 myń reiske qyzmet kórsetilgen. Al Amsterdamdaǵy Shiphol bul kórsetkish boiynsha rekord ornatyp, 33 myń reiske qyzmet etti. Eýropanyń adam eń kóp jinalatyn áýejaiynyń arasynda Antalia, Afina, Barselona, Madrid, Maiorka, Ystanbul jáne Frankfýrt, sondai-aq parijdik Rýassi - Sharl de Goll áýe ailaqtary de bar.
Hitroýdaǵy jolaýshylar aǵyny ótken aida 2,2 mln adamǵa jetken. Bul – 2020 jyldyń kókteminen beri eń joǵary kórsetkish.
The Times basylymynyń jazýynsha, Eýropanyń kóptegen áýejailarynda bul kórsetkish Hitroýǵa qaraǵanda áldeqaida jyldam ósip keledi. Burynǵy deńgeige baiaý oralý sebepteriniń biri – Eýropanyń basqa elderine qaraǵanda shetelden Ulybritaniiaǵa kirýge talap óte qatań.
Áýe ailaǵynyń ákimshiligi el úkimetin olardy jeńildetip, qoldanystaǵy koronavirýs shekteýleriniń bir bóligin, sonyń ishinde elge kirgennen keiin quny qymbat PTR taldaýdy eki ret ótý talabyn alyp tastaýǵa úndep otyr.
