«حات قورجىن». قارت وقىرماندارعا قامقورلىق

وقىرمان

…جاقسىلىعىن جەتكٸزەدٸ

قارت وقىرماندارعا قامقورلىق

جاقىندا ن.بايعانين اتىنداعى اقتٶبە وبلىستىق بالالار كٸتاپ­حانا­سىنىڭ شىعارماشىلىق ۇجىمى قالاداعى قارتتار ٷيٸنە ات باسىن بۇردىق. ونداعى ماقسات – قارييالارعا رۋحاني  كٶمەك كٶرسەتۋ بولاتىن.

وسىندا كٸتاپحاناشى بولىپ قىزمەت اتقاراتىن جانات بەكەنتاەۆا­نىڭ ٶتٸنٸشٸنە وراي بٸزدٸڭ كٸتاپحاناشىلار ەدٸستەمەلٸك كٶمەكتەر كٶرسەتٸپ,  مامان رەتٸندە ٸس-تەجٸريبەلەرٸمەن,  اقىل-كەڭەستەرٸمەن بٶلٸستٸ. كٸتاپ­تاردى نٶمٸرلەۋ, تٸزٸمگە ەنگٸزۋ, وقىرمان فورمۋليارىن جاساقتاۋ سەكٸلدٸ جۇمىستاردى كٶرسەتتٸ. سونىمەن قاتار ەرتٷرلٸ جانرداعى كٸتاپتار مەن گازەت-جۋرنالداردى سىيعا تارتتى.

– بٸزدٸڭ ينتەرناتتا 270-تەن استام قارت كٸسٸ بار. سولاردىڭ جٷز جەتپٸسكە جۋىعى كٸتاپحانانىڭ تۇراقتى وقىرمانى. ولار كٸتاپحاناعا كەلٸپ, ٶز قاجەتتەرٸن وسى جەردەن ٸزدەيدٸ. الايدا كەيدە ولاردىڭ ٶتٸنٸش­تەرٸن تاۋىپ بەرە الماي جاتامىن, سەبەبٸ بٸزگە كٸتاپحانا ٷشٸن مەملەكەتتەن قارجى بٶلٸنبەيدٸ, مىنا كٸتاپتاردىڭ بەرٸ سىيعا بەرٸلگەن كٸتاپتار عانا, – دەدٸ جانات بەكسۇلتانقىزى.

وبلىستىق بالالار كٸتاپحاناسىنىڭ ديرەكتورى گٷلجاينار قالدينا ەر بٶلمەگە كٸرٸپ, قارتتارعا سىي-سيياپاتتارىن ۇسىندى. بۇل قارتتار ٷيٸندە قارييالىق جاسقا جەتپەسە دە مٷمكٸندٸگٸ شەكتەۋلٸ جاندار دا بار ەكەن. از دا بولسا كٶرسەتٸلگەن سىي-قۇرمەتكە ولار بالاشا قۋاندى.

كاميلا يدريسوۆا,

ن.بايعانين اتىنداعى كٸتاپحانانىڭ مامانى

اقتٶبە

…قۋانىشىن بٶلٸسەدٸ

76 تۋىندىنى تارتۋ ەتتٸ

اتىراۋ وبلىستىق ش.ساريەۆ اتىنداعى كٶركەمسۋرەت جەنە قولدان­بالى-سەندٸك ٶنەر مۋزەيٸندە تەۋەلسٸزدٸگٸمٸزدٸڭ 25 جىلدىعىنا وراي, ە.قاستەەۆ اتىنداعى مەملەكەتتٸك ٶنەر مۋزەيٸ تارتۋ ەتكەن تۋىندىلاردان جاساقتالعان «مۋزەيلەر ىنتىماقتاستىعى» اتتى كٶرمە ٶتتٸ. بٷگٸندە جىل باسىنان بەرٸ جٷرگٸزٸلگەن كەلٸسسٶزدەر نەتيجەسٸندە ە.قاستەەۆ اتىنداعى مەملەكەتتٸك ٶنەر مۋزەيٸ اتىراۋ وبلىستىق ٶنەر مۋزەيٸنە 76 تۋىندىسىن تارتۋ ەتٸپ وتىر. كٷن ٶتكەن سايىن قۇندىلىعى ارتقان بۇل ەڭبەكتەرٸندە قىلقالام شەبەرلەرٸ ادامزات بالاسى ٷشٸن ماڭىزدىلىعىن جويمايتىن ٶزەكتٸ تاقىرىپتاردى ارقاۋ ەتكەن. مۋزەي قورىنا تارتۋ ەتٸلگەن تۋىندىلاردىڭ دەنٸ  بەلگٸلٸ سۋرەتشٸ ساحي رومانوۆتٸكٸ.

كٶرمەنٸ تانىستىرۋ سەتٸندە  قىلقالام شەبەرلەرٸ تۋىندىلارىنىڭ دٷنيەگە كەلۋٸنە سەبەپشٸ بولعان سەمەي پوليگونى, ەكٸنشٸ دٷنيەجٷزٸلٸك سوعىس پەن تۋعان جەر تۋرالى بەينەكٶرسەتٸلٸم كٶپشٸلٸك نازارىنا ۇسىنىل­دى. بۇنىڭ ٶزٸ مۋزەيلەر ىنتىماقتاستىعىن ماقسات ەتكەن ۇجىم­داردىڭ ۇتىمدى جوبانى قولعا العانىن ايقىنداپ بەرگەندەي ەدٸ.

تۇرسىن قاليموۆا

اتىراۋ

…پٸكٸر بٸلدٸرەدٸ

عيبراتتى عۇمىربايان

جاقىندا استانا قالاسىنداعى «شاڭىراق مەديا» جشس باسپاسىنان بەلگٸلٸ جۋرناليست سەدۋاقاس جۇباتوۆتىڭ «اسىلدىڭ تۇياعى» اتتى كٸتابى جارىق كٶردٸ. بۇل كٸتاپتا ەلٸنە ابىرويلى قىزمەت ەتكەن ۇلاعاتتى ۇستاز قايىرعالي يشانۇلى ماقۇلوۆتىڭ ٶرنەكتٸ ٶمٸرٸ سٶز بولادى.

«جاقسىنىڭ جاقسىلىعىن ايت, نۇرى تاسىسىن» دەيتٸن حالىق دانالىعى وسىندايدا ايتىلاتىن بولار. ەربٸر قالام ۇستاعان جورنالشى ٶزٸ كٶرگەن, ەستٸپ-بٸلگەن, ٶمٸرٸندە ٶنەگەلٸك ٸز قالدىرعان جان تۋرالى ەڭگٸمە قوزعاپ جاتسا, بٸر مٸندەتٸن ورىنداعانى دا. مەنٸڭ دە قايىرعالي اعانىڭ قاراپايىم, بٸراق ماعىنالى ٶمٸرٸ جايلى سٶز ارناعىم كەلگەنٸ وسىنداي ماقساتتان تۋعان ەدٸ», دەپ باستالاتىن كٸتاپ بەس بٶلٸمنەن تۇرادى. «ەر توپىراعىنا تارتادى» اتالاتىن بٸرٸنشٸ بٶلٸمٸندە كەيٸپكەردٸڭ تۋعان جەرٸ تۋرالى سٶز بولسا, «ماقۇلدىڭ يشانى» اتالاتىن ەكٸنشٸ بٶلٸمٸندە باتىس ٶڭٸرٸندەگٸ نارىن قۇمىندا ٶمٸر سٷرگەن قايىرعاليدىڭ ەكەسٸ يشانعالي جايلى, ونىڭ ارتىندا قالدىرعان تاپقىر ەڭگٸمەلەرٸ, ەدٸلدٸك ٷشٸن, شىندىق ٷشٸن قارا قىلدى قاق جاراتىن ازاماتتىعى تۋرالى ايتىلادى. «ٶلمەيتۇعىن ارتىندا سٶز قالدىرعان», «بٸز بٸلەتٸن قايرەكەڭ», «ەۋلەتٸڭ ٶسسە ەل بولار» دەپ اتالاتىن بٶلٸمدەرگە اتتارىنىڭ ٶزٸ ايتىپ تۇرعانداي, كەيٸپكەردٸ كٶزٸ كٶرگەندەردٸڭ, ەۋلەت ۇرپاقتارىنىڭ ەستەلٸك ەڭگٸمەلەرٸ ارقاۋ بولعان.

قايدا جٷرسە دە تۋعان جەرگە دەگەن ساعىنىش سەزٸمٸن جوعالتپاعان اق جٷرەكتٸ اسىل جان تۋرالى ەسەرلٸ شىعارماعا قۋاندىق. عيبراتى مول عۇمىرباياندىق  كٸتاپتى  جاس ۇرپاققا تاعىلىم بولار تۋىندى دەپ ەسەپتەيمٸز.

بايان مۇحامبەتەليەۆ,

مەدەنيەت قايراتكەرٸ

استانا 

…ماقتان تۇتادى

دەرتكە – شيپا, جانعا – قۋات

سارىارقانىڭ تٶسٸندە سارى قىمىز ساپىرىپ, بابادان كەلە جاتقان اتا كەسٸپتٸ جانداندىرعان «ساعىپ» شارۋا قوجالىعىن ٶڭٸر تۇرعىندارى عانا ەمەس, كٶرشٸلەس ەلدەردٸڭ تۇتىنۋشىلارى دا جاقسى بٸلەدٸ. دەرتكە – شيپا, جانعا – قۋات ۇلتتىق سۋسىن –  قىمىز ٶندٸرٸسٸن ٶركەندەتۋ جولىندا تەر تٶگٸپ جٷرگەن شارۋاشىلىقتىڭ تاسى بۇل كٷندە ٶرگە دومالاپ تۇر. شارۋاشىلىقتاعى قامبار اتا تۇقىمىنىڭ سانى 400-دەن اسقان.  بۇدان بٶلەك, جٷزدەن اسا ٸرٸ قارا بار.

بٷگٸنگٸ كٷنٸ «ساعىپتىڭ» ٶنٸمدەرٸ شەكارانىڭ ارعى جاعىنداعى تۇتىنۋشىلاردىڭ دا جوعارى باعاسىن الىپ ٷلگەردٸ.  پاۆلودارلىق كەسٸپورىننىڭ قىمىزى مەن قۇرتى رەسەي جەنە قىتاي مەملەكەتتەرٸندەگٸ ساۋدا ورىندارىندا ساتىلىمعا شىعارىلدى. وسى ۋاقىتقا دەيٸن شارۋاشىلىق استانا قالاسىندا ٶتكەن «قاراٶتكەل» كٶرمەسٸنٸڭ التىن مەدال يەگەرٸ,  ياكۋتيياداعى «قىمىز  قۇدايلار سۋسىنى» حالىقارالىق بايقاۋىنىڭ جەڭٸمپازى اتانىپ, 2013 جىلى «قازاقستاننىڭ ەڭ ٷزدٸك تاۋارى» بايقاۋىندا ٷشٸنشٸ ورىندى ەنشٸلەگەن. وسىلايشا, زاماناۋي قۇرالدار كٶمەگٸمەن ەلەمدٸك تالاپتارعا ساي قىمىز ٶندٸرەتٸن «ساعىپ» شارۋا قوجالىعى بيٸك شىڭداردى باعىندىرىپ كەلەدٸ.

قۇندىز قابىلدەنوۆا

پاۆلودار وبلىسى

…العىس ايتادى

كٸشكەنتاي جۇلدىزدار قۋانىشى

ەرتٸس جاعالاۋىندا «اقشىڭ» كورپوراتسيياسىنىڭ دەمەۋشٸلٸك كٶرسەتۋٸمەن سەمەيلٸك بٷلدٸرشٸندەر زور قۋانىشقا كەنەلدٸ. ناقتى ايتقاندا, 322 بالاقان مەرەكەلٸك كونتسەرت كٶرٸپ, ٶزدەرٸ دە ٶنەرلەرٸن ورتاعا سالدى. ولاردىڭ بارلىعى دا  قالامىزداعى ەن-بي ستۋدييالارىنان ٶنەرلەرٸن شىڭداپ, حالىقارالىق, رەسپۋبليكالىق ٶنەر سايىستارىنان جٷلدەمەن ورالىپ جٷرگەن جاس تالانتتار. «تەك قانا جۇلدىزدار» دەگەن اتپەن مەرەكەلٸك كونتسەرت ٶتكٸزۋدەگٸ ماقسات – سەمەيدە حالىقارالىق, رەسپۋبليكالىق دەڭگەيدەگٸ ٶنەر بايقاۋلارىنا بارىپ, گران-پري جەنە جٷلدەلٸ ورىندارمەن ورالىپ جٷرگەن تالانتتى بالالاردى قالا جۇرتشىلىعىنا كەڭٸنەن تانىتۋ. شارانىڭ ويداعىداي ٶتۋٸنە ٷلكەن قولداۋ كٶرسەتٸپ, ارنايى بەزەندٸرٸلگەن ساحنا جاساتىپ, 300-دەن استام بالاعا مەرەكەلٸك كٶڭٸل كٷي سىيلاعان «اقشىڭ» كورپوراتسيياسىنىڭ باسشىسى, شىعىس قازاقستان وبلىستىق مەسليحاتىنىڭ دەپۋتاتى قۇرمانباي مارات سەرٸكجانۇلىنا وسىندا كەلگەن اتا-انالار مەن بالالاردىڭ اتىنان زور العىسىمىزدى ايتامىز.

سەتجان قاسىمجانۇلى

شىعىس قازاقستان وبلىسى