قازاقستان رەسپۋبليكاسىنىڭ ۋكرايناداعى تٶتەنشە جەنە ٶكٸلەتتٸ ەلشٸسٸ دارحان كەلەتاەۆ حاركوۆ قالالىق كەڭەسٸنٸڭ حاتشىسى يگور تەرەحوۆپەن كەزدەسۋ ٶتكٸزدٸ, دەپ حابارلايدى "ۇلت اقپارات".
ٸسساپار بارىسىندا قالانىڭ ورتالىق الاڭدارىنىڭ بٸرٸنە ۇلى ابايدىڭ ەسكەرتكٸشٸ ورناتىلاتىنى تۋرالى ۋاعدالاستىققا قول جەتكٸزٸلدٸ.
كەزدەسۋدە مٷسٸنشٸ سەيفاددين كۋربانوۆ ەسكەرتكٸشتٸڭ جوباسىمەن تانىستىردى.
بۇل جوبا ەسكەرتكٸش-تريپتيح تٷرٸندە جاسالعان. مٷسٸنشٸ بۇل ەڭبەگٸن «ٶمٸر اعاشى» دەپ اتادى.
ەسكەرتكٸشتٸڭ ورتا تۇسىندا حاكٸم اباي بەينەلەنگەن.
ۇلى اقىننىڭ قوس قاپتالىندا ۋكراينانىڭ حالىق اقىنى گريگوريي سكوۆورودا مەن ەزٸربايجاننىڭ اعارتۋشى, فيلوسوفى مىرزا فاتالي احۋندوۆتىڭ كەسكٸندەرٸ ەدٸپتەلگەن.
ەسكەرتكٸشتٸڭ جالپى بيٸكتٸگٸ – 4 مەتر. گٷلزاردىڭ اۋماعى – 2 543 شارشى مەتر.
ول حاركوۆتەگٸ حالىق ەڭ كٶپ جٷرەتٸن, دەمالىس ايماعىنداعى كٶرنەكٸ جەردە ورنالاسقان.
تٶڭٸرەگٸ سۋبۇرقاقتارمەن قورشالىپ, جاسىل جەلەكتەرمەن كٶمكەرٸلگەن.
دارحان امانۇلى ٶز كەزەگٸندە قالا باسشىلىعىنىڭ يگٸ باستاماسىنا ريزاشىلىعىن بٸلدٸرٸپ, ەسكەرتكٸش-تريپتيحتٸڭ باۋىرلاس, تۋىسقان حالىقتار اراسىنداعى رۋحاني بايلانىستى ودان ەرٸ تەرەڭدەتٸپ, ولاردىڭ مەدەنيەتٸ مەن ٶنەرٸن كەڭٸنەن تانۋعا, يگەرۋگە جەنە ٶزارا ىنتىماقتاستىقتى ارتتىرۋعا زور سەپتٸگٸن تيگٸزەتٸنٸن تٸلگە تيەك ەتتٸ.
«بۇل ەسكەرتكٸشتٸ بٸزدٸڭ ۋكراين باۋىرلارىمىزدىڭ قازاق حالقىنا, قازاق تاريحى مەن رۋحانيياتىنا كٶرسەتٸلگەن شەكسٸز قۇرمەتٸ رەتٸندە قابىل الامىز», - دەدٸ ەلشٸ.
وسى ورايدا, سوڭعى ۋاقىتتا قازاقستان مەن ۋكراينا اراسىنداعى ەكونوميكالىق, مەدەني بايلانىستاردىڭ جاڭا ساپاعا كٶتەرٸلٸپ, ەرەكشە قارقىن العانىن اتاپ ٶتكەن جٶن.
