فوتو: elements.envato.com
ەندٸ قازاقستاندىقتاردىڭ كرەديتٸ مەملەكەت قارجىسى ەسەبٸنەن كەشٸرٸلمەيدٸ. بۇل تۋرالى قارجى نارىعىن رەتتەۋ جەنە دامىتۋ اگەنتتٸگٸنٸڭ تٶراعاسى مەدينا ەبٸلقاسىموۆا مەلٸمدەدٸ, دەپ حابارلايدى Sputnik قازاقستان.
"حالىقتىڭ شامادان تىس كرەديت الۋىن ازايتۋ" تاقىرىبىنا ارنالعان پارلامەنتتٸك تىڭداۋدان كەيٸن جۋرناليستەر ەبٸلقاسىموۆادان حالىقتىڭ كرەديتٸ كەشٸرٸلە مە دەپ سۇرادى.
"ٶكٸنٸشكە قاراي, 2019 جىلى كرەديت كەشٸرٸلگەننەن كەيٸن قارجى سەكتورىندا كرەديتتٸڭ كٶلەمٸ قايتادان ٶسٸپ كەتتٸ. ونىڭ ٸشٸندە پروبلەمالىق كرەديتتەر دە كٶبەيدٸ. سول سەبەپتٸ بٸز مەملەكەت قارجىسىن بٶلٸپ, نەسيەنٸ قايتا-قايتا كەشٸرە بەرسەك, ودان وسىنداي جاڭا كرەديتتەر پايدا بولادى", - دەپ تٷسٸندٸردٸ ەبٸلقاسىموۆا.
ول حالىقتىڭ شامادان تىس قارىزىن ازايتۋ ٷشٸن اگەنتتٸك قانداي شارالار قابىلداعانىن ايتتى.
"بٸز ەندٸ وسى مٸندەتتٸ بانكتەر مەن ميكروقارجى ۇيىمدارىنا, كوللەكتورلىق اگەنتتٸكتەرگە جٷكتەپ قويامىز. 2021 جىلى تيٸستٸ زاڭ قابىلدانعان بولاتىن. وعان سەيكەس, بانكتەر پروبلەمالىق بەرەشەكتٸ رەتتەۋدٸڭ مٸندەتتٸ رەسٸمٸن جٷرگٸزۋٸ كەرەك. ەگەر قارىز الۋشى بانككە جٷگٸنسە, ول وسىنداي رەسٸمدٸ جٷرگٸزۋگە مٸندەتتٸ", - دەدٸ اگەنتتٸك تٶراعاسى.
وسى رەسٸمدٸ جٷيەلٸ تٷردە جولعا قويۋ ٷشٸن پرەزيدەنتتٸڭ تاپسىرماسىمەن بيىلدان باستاپ بارلىق بانك, ميكروقارجى ۇيىمدارى مەن كوللەكتورلىق اگەنتتٸكتەر پروبلەمالىق كرەديتتەرمەن جۇمىس ٸستەۋ تۋرالى جەكە جوسپارىن ەزٸرلەدٸ.
"ول جوسپار اياسىندا 1 ملن 449 مىڭ ادامدى قامتۋ جوسپارلانىپ وتىر. بۇل جوسپار مٸندەتتٸ تٷردە جاڭارتىلىپ تۇرادى. ونىڭ ٸشٸندە بانكتەردٸڭ كرەديتتٸ قايتا قۇرىلىمداۋى, نەسيەنٸ ٸشٸنارا نەمەسە تولىق ەسەپتەن شىعارۋ شارالارى بار. مىسالى قارىز الۋشىنىڭ نەسيەنٸ تٶلەۋگە شاماسى جوق بولسا, قارىزى قاتتى كٶپ بولماسا نەمەسە ول بٸرنەشە جىلدان بەرٸ پروبلەمالىق كرەديت بولسا, بانكتەر سول كرەديتتٸ ٸشٸنارا نەمەسە تولىعىمەن ٶز قاراجاتىنان ەسەپتەن شىعارادى", - دەدٸ ەبٸلقاسىموۆا.
