پرەمەر-مينيستر ەليحان سمايىلوۆتىڭ تٶراعالىعىمەن ٶتكەن ٷكٸمەت وتىرىسىندا «تسيفرلاندىرۋ, عىلىم جەنە يننوۆاتسييا ەسەبٸنەن تەحنولوگييالىق سەرپٸلٸس» ۇلتتىق جوباسىن ٸسكە اسىرۋ بارىسى قارالدى, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسيننٸڭ ايتۋىنشا, ۇلتتىق جوبا اياسىندا مەملەكەتتٸك قىزمەت كٶرسەتۋدٸڭ 175 بيزنەس-پروتسەسٸنە جاڭا ەدٸستەمە بويىنشا رەينجينيرينگ جاسالعان. نەتيجەسٸندە جۇمسالاتىن قاعاز سانى مەن قاجەتسٸز بيۋروكراتييا جويىلدى. 2025 جىلعا دەيٸن بارلىق 5 مىڭ بيزنەس-پروتسەسكە تولىق رەينجينيرينگ جاسالاتىن بولادى. مەملەكەتتٸك قىزمەتتەردٸ ەلەكتروندىق فورماتقا اۋىستىرۋ جوسپارعا سەيكەس جٷرگٸزٸلٸپ جاتىر, بٷگٸندە ولاردىڭ ٷلەسٸ 94%-عا جەتتٸ.
سونداي-اق 9 مەملەكەتتٸك قىزمەت تٷرٸن حالىققا قىزمەت كٶرسەتۋ ورتالىقتارىنا بارماي-اق, بەينە-قىزمەت ارقىلى الۋ مٷمكٸندٸگٸ ٸسكە اسىرىلدى. جىل سوڭىنا دەيٸن ولاردىڭ سانى 44-كە دەيٸن جەتكٸزٸلمەك. حقكو-لاردى جاڭعىرتۋ جوسپار بويىنشا جٷزەگە اسىرىلۋدا, قازٸردٸڭ ٶزٸندە 8 جاڭا فرونت-وفيس حالىققا قىزمەت كٶرسەتٸپ جاتىر. 2024 جىلعا دەيٸن 115 حالىققا قىزمەت كٶرسەتۋ ورتالىعى جاڭعىرتىلادى.
«Kaznedra» بٸرىڭعاي پلاتفورماسى بويىنشا بٷگٸندە تەستٸلەۋ رەجيمٸندە «minerals.gov.kz» سايتى ٸسكە قوسىلدى. قازٸردەن باستاپ پايدالانۋشىنىڭ جەكە كابينەتٸندە ينتەراكتيۆتٸ كارتاعا باسىلعان جەر قويناۋى تۋرالى 1,5 مىڭ ەلەكتروندى ەسەپ قولجەتٸمدٸ. پلاتفورما ارقىلى جەر قويناۋىن بارلاۋعا تيٸستٸ ليتسەنزيياعا ٶتٸنٸم بەرۋ جەنە ۋەكٸلەتتٸ مەملەكەتتٸك ورگانمەن ٶزارا ەلەكتروندى حات الماسۋ مٷمكٸندٸگٸ بار.
قۇرىلىس جەنە كٶلٸك سالالارىن تسيفرلاندىرۋ اياسىندا E-Qurylys پلاتفورماسىندا 92 رەسپۋبليكالىق اۆتوموبيل جولدارىنىڭ قۇرىلىسىن باقىلاۋ پروتسەسٸ جٷزەگە اسىرىلىپ جاتىر.
اۋىل شارۋاشىلىعى سالاسىندا 2022 جىلدىڭ 1 شٸلدەسٸنەن باستاپ سۋبسيدييالاۋدىڭ جٷيەسٸ ٸسكە قوسىلدى. مۇندا فەرمەرلەرگە قاجەتتٸ مەملەكەتتٸك قولداۋ جٶنٸندەگٸ بارلىق اقپارات جينالعان, بۇل فەرمەرلەرگە شىعىنداردى 30%-عا قىسقارتۋعا, جالپى قۇجاتتارمەن ەۋرە-سارساڭدى قىسقارتۋعا مٷمكٸندٸك بەرەدٸ.
وتىن-ەنەرگەتيكا كەشەنٸ سالاسىندا بارلىق اجقس قوسىلعان مۇناي جەنە گاز كوندەنساتىن ەسەپكە الۋدىڭ اقپاراتتىق جٷيەسٸ پايدالانۋعا ەنگٸزٸلدٸ. ەندٸ جاڭارماي جەنە ٶزگە شيكٸزاتتىڭ ساتىلۋى مەن قورى تۋرالى اقپارات ونلاين تٷردە قولجەتٸمدٸ بولادى.
بٸلٸم بەرۋدٸ تسيفرلاندىرۋ بويىنشا ماڭىزدى جوبالاردىڭ بٸرٸ – وقۋلىقتار پورتفەلٸن تسيفرلىق فورماتقا كٶشٸرۋ. بٷگٸندە قولدا بار 670 باسپا وقۋلىعىنىڭ 97% تسيفرلىق فورماتقا كٶشٸرٸلدٸ. جىل سوڭىنا دەيٸن 100% تسيفرلاندىرىلادى.
عىلىم جەنە جوعارى بٸلٸم مينيسترٸ ساياسات نۇربەك ۇلتتىق جوبا اياسىندا عىلىمي ەكوجٷيەنٸڭ بەسەكەگە قابٸلەتتٸلٸگٸن ارتتىرۋ بويىنشا جٷرگٸزٸلٸپ جاتقان جۇمىستار تۋرالى ايتىپ بەردٸ.
بايانداماشىلاردى تىڭداعان پرەمەر-مينيستر ۇلتتىق جوبانى ٸسكە اسىرۋ IT-سالاداعى جالپى ٸشكٸ ٶنٸمنٸڭ ٷلەسٸن 5%-عا دەيٸن ۇلعايتىپ, قولدانبالى عىلىمي زەرتتەۋلەردٸ قارجىلاندىرۋدا جەكە سەكتوردىڭ ٷلەسٸن كەمٸندە 50%-عا ارتتىرۋى تيٸس ەكەنٸن ايتتى. سونىمەن قاتار ونىڭ اياسىندا ازاماتتارعا ەلەۋمەتتٸك قولداۋ الۋدى جەڭٸلدەتۋگە مٷمكٸندٸك بەرەتٸن جوبالار پۋلى ٸسكە اسىرىلىپ جاتىر.
«جاقىندا پيلوتتىق نەگٸزدە ٸسكە قوسىلعان «وتباسىنىڭ تسيفرلىق كارتاسى» جوباسى وسى تەسٸلدەردٸڭ بٸرٸ بولىپ تابىلادى. بۇل جوبا اتاۋلى ەلەۋمەتتٸك كٶمەك الۋعا مۇقتاجدىق تۋۋى مٷمكٸن 480 مىڭنان استام وتباسىن جەنە زەينەتاقى تٶلەمدەرٸ مەن جەردەماقى الىپ وتىرعان 100 مىڭعا جۋىق ازاماتتى قامتۋعا مٷمكٸندٸك بەردٸ. جوبانى بيىلعى جىلدىڭ سوڭىنا دەيٸن پايدالانۋعا بەرۋ جوسپارلانىپ وتىر», — دەدٸ ەليحان سمايىلوۆ.
ونىڭ ايتۋىنشا, «ەلەۋمەتتٸك ەمييان» جٷيەسٸن ٸسكە قوسۋ جەنە ينۆەستورلارعا ناقتى ۋاقىت رەجيمٸندە مينەرالدىق رەسۋرستاردىڭ دەرەكتەر بانكٸنە ەركٸن قول جەتكٸزۋگە مٷمكٸندٸك بەرەتٸن «Kaznedra» پلاتفورماسىن ەنگٸزۋ جوسپارلانىپ وتىر.
پرەمەر-مينيستر ٷكٸمەت الدىندا عىلىمي زەرتتەۋلەردٸڭ نەتيجەلٸلٸگٸ مەن ەكونوميكانىڭ تٷرلٸ سەكتورلارىندا قولدانىلۋىن ارتتىرۋ سيياقتى ماڭىزدى مٸندەت تۇرعانىن اتاپ ٶتتٸ.
وسى ورايدا ەليحان سمايىلوۆ سوڭعى جىلدارى عىلىم تۋرالى زاڭناماعا بٸرشاما ٶزگەرٸستەر ەنگٸزٸلگەنٸن جەنە ونى قارجىلاندىرۋ 2 ەسەگە جۋىق ٶسكەنٸن ايتتى.
«بٸزگە جۇمسالعان قاراجاتتىڭ تيٸمدٸ قايتارىمى قاجەت. وتاندىق يندۋسترييا, عىلىمي قوعامداستىق, ۋنيۆەرسيتەتتەر مەن بيزنەس بارىنشا ٶزارا تىعىز بايلانىس ورناتۋى قاجەت. عىلىمي جەتٸستٸكتەر ٶندٸرٸسكە ەنگٸزٸلٸپ, حالىققا ناقتى پايدا ەكەلۋٸ تيٸس. عىلىم مينيسترلٸگٸ بۇعان ەرەكشە نازار اۋدارۋى كەرەك», — دەدٸ ەليحان سمايىلوۆ.
بۇل رەتتە پرەمەر-مينيستر بٸرقاتار باعىتتار بويىنشا بۇرىن بەلگٸلەنگەن جوسپارلار مەن كەيبٸر كٶرسەتكٸشتەردٸڭ ورىندالماي قالعانىن اتاپ ٶتتٸ. پاتسيەنتتەردٸڭ دەنساۋلىق جاعدايىن ٷزدٸكسٸز باقىلاۋ جەنە پرواكتيۆتٸ مەديتسينالىق قىزمەت كٶرسەتۋ ٷشٸن eHealth بٸرىڭعاي ەكوجٷيەسٸن ەزٸرلەۋ جۇمىستارى ۋاقىتىلى جٷرگٸزٸلگەن جوق. سونىمەن قاتار «تسيفرلىق اگروكەسٸپورىن» جەنە «تسيفرلىق كارەر» جوبالارىن ٸسكە اسىرۋ بارىسىندا دا سۇراقتار بار. جەر مەن جىلجىمايتىن مٷلٸكتٸڭ مەملەكەتتٸك كاداسترىن اۆتوماتتاندىرۋ جەنە ورتالىقتاندىرۋ رەسٸمٸ اياقتالعان جوق.
«جالپى, ينتەرنەت-قىزمەتتەردٸڭ ساپاسىنا سۇراقتار بار. الىستاعى ەلدٸ مەكەندەردٸ ايتپاعاندا, بٸزدٸڭ ٸرٸ قالالارىمىزدا ينتەرنەت بايلانىستىڭ ساپاسى بارلىق جەردە بٸردەي جاقسى ەمەس. حالىقتان تٷسٸپ جاتقان شاعىم كٶپ. ەگەر ينتەرنەت بايلانىس جاقسى بولماسا تسيفرلىق پلاتفورمالاردىڭ جەنە اقپاراتتىق جٷيەلەردٸڭ پايداسى جوق. تسيفرلىق دامۋ مينيسترلٸگٸ بۇل مەسەلەنٸ ەرەكشە باقىلاۋدا ۇستاۋ كەرەك», — دەدٸ ەليحان سمايىلوۆ.
سونداي-اق ول تسيفرلاندىرۋ سالاسىنداعى بارلىق مٷددەلٸ مەملەكەتتٸك ورگانداردىڭ جەنە ۇيىمداردىڭ جۇمىسىن ٷيلەستٸرۋدٸ كٷشەيتۋ قاجەت ەكەنٸن ايتتى.
سٶز سوڭىندا ەليحان سمايىلوۆ اقپاراتتىق جٷيەلەردٸڭ ٸستەن شىعۋىن ازايتاتىن جٷيەلٸ شارالار قابىلداۋدى, جىل سوڭىنا دەيٸن «وتباسىنىڭ تسيفرلىق كارتاسى» جەنە «ەلەۋمەتتٸك ەمييان» جوبالارىنىڭ تيٸمدٸ جۇمىسىن قامتاماسىز ەتۋدٸ, سونداي-اق 2023 جىلدىڭ سوڭىنا دەيٸن «Kaznedra» پلاتفورماسىن ٸسكە قوسۋدى تاپسىردى.
سونىمەن قاتار پرەمەر-مينيستر ەلدٸڭ عىلىمي-تەحنيكالىق دامۋىنا جەكە ينۆەستيتسييالاردى كەڭٸنەن تارتۋ ٷشٸن جاڭا عىلىمي-زەرتتەۋ ورتالىقتارى مەن زەرتحانالار قۇرۋدى باسىم ينۆەستيتسييالىق جوبالار تٸزبەسٸنە ەنگٸزۋ مەسەلەلەرٸن پىسىقتاۋدى تاپسىردى.
