26 قازاننان باستاپ حالىقارالىق ترانزيتتٸك جٷك تاسىمالىن جٷزەگە اسىراتىن جٷرگٸزۋشٸلەردەن كوروناۆيرۋسقا پتر-تەست انىقتاماسى تالاپ ەتٸلەدٸ. بۇل تۋرالى تولىعىراق دەنساۋلىق ساقتاۋ مينيسترلٸگٸ سانيتارلىق-ەپيدەميولوگييالىق باقىلاۋ كوميتەتٸنٸڭ تٶراعاسى ايجان ەسماعامبەتوۆا ايتىپ بەردٸ, دەپ حابارلايدى قازاقپارات.
«ەلەمدە كوروناۆيرۋس جۇقتىرۋ دەڭگەيٸ ٶسٸپ بارا جاتقانىن اتاپ ٶتۋ كەرەك. بٷگٸنگە دەيٸن ٸندەت 215 ەلگە تاراعان. ەلەمدە كوروناۆيرۋس جۇقتىرعان ازاماتتاردىڭ سانى 41 ميلليوننان اسىپ كەتتٸ. 1 ميلليون 128 مىڭ 931 ادام قايتىس بولدى. ياعني ەۋروپا مەن ازييادا كوروناۆيرۋس جۇقتىرۋ دەڭگەيٸ ازايماي تۇر», - دەدٸ ايجان ەسماعامبەتوۆا بٷگٸن ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
كوميتەت باسشىسى بۇرىن اۆتوكٶلٸك ارقىلى قازاقستان شەكاراسىنا كٸرەتٸن جولاۋشىلاردان عانا پتر-انىقتاما تالاپ ەتٸلٸپ كەلگەنٸن ەسكە سالدى.
«حالىقارالىق ترانزيتتٸك جٷك تاسىمالىن جٷزەگە اسىراتىن جٷرگٸزۋشٸلەر پتر-تەست انىقتاماسىز جٷرە بەرەتٸن. 26 قازاننان باستاپ ونداي جٷرگٸزۋشٸلەردەن دە پتر-تەست انىقتاماسى تالاپ ەتٸلەتٸن بولادى. بۇل انىقتاما بولماعان جاعدايدا ولار شەكارادا تەستٸلەۋدەن ٶتۋگە مٸندەتتەلەدٸ. ەگەر ولاردىڭ ٸشٸنەن كوروناۆيرۋس جۇقتىرعانى انىقتالسا, ولار توقتاعان جەرٸندەگٸ اۋرۋحاناعا جاتقىزىلادى», - دەدٸ ول.
