حالىقارالىق ۆاليۋتا قورى (حۆق) تٷركٸمەنستاننىڭ مەملەكەت ورگاندارى تاراتقان رەسمي مەلٸمەتتٸ "حالىقارالىق ەكونوميكانىڭ ٶسۋٸن بولجاۋ" تۋرالى 2020 جىلعى ەسەبٸنە پايدالانۋدان باس تارتتى. بۇل تۋرالى ازاتتىقتىڭ تٷركٸمەن قىزمەتٸ حابارلادى.
حۆق ەسەبٸندە تٷركٸمەنستاننىڭ جالپى ٸشكٸ ٶنٸمٸ 0,8 پايىز دەپ كٶرسەتٸلگەن. ال تٷركٸمەن ٷكٸمەتٸنٸڭ دەرەگٸ بويىنشا, بۇل كٶرسەتكٸش 5,9 پايىزعا جەتكەن.
گلازگو ۋنيۆەرسيتەتٸنٸڭ وقىتۋشىسى, ورتالىق ازييا مەسەلەلەرٸ جٶنٸندەگٸ ساراپشى لۋكا انچەسكي تٷركٸمەنستان ەكونوميكاسى تۋرالى ەسەپتە كٶرسەتٸلگەن مەلٸمەت ەلدەگٸ ەكونوميكالىق احۋالدى دەلٸرەك كٶرسەتەدٸ دەپ ايتقان.
ونىڭ ايتۋىنشا, بۇعان دەيٸن حالىقارالىق ۆاليۋتا قورى, ازييا دامۋ بانكٸ, دٷنيەجٷزٸلٸك بانك سيياقتى حالىقارالىق ۇيىمدار ٶز ەسەپتەرٸندە تٷركٸمەن ٷكٸمەتٸنٸڭ دەرەكتەرٸنە سٷيەنٸپ, تٷركٸمەنستانداعى شىنايى احۋالدى كٶرسەتپەيتٸن دەرەكتەردٸ جارييالاپ كەلگەن.
ازاتتىقتىڭ تٷركٸمەن قىزمەتٸ جەنە ٶزگە دە تەۋەلسٸز باسىلىمدار سوڭعى بٸرنەشە جىلدا تٷركٸمەنستان ەكونوميكاسىنىڭ قۇلدىراعانىن, ازىق-تٷلٸك داعدارىسى, قىمباتشىلىق, بانكوماتتارداعى اقشا تاپشىلىعى مەسەلەسٸ تۋرالى جيٸ جازىپ كەلەدٸ.
پرەزيدەنت گۋربانگۋلى بەردٸۇحامەدوۆ 11 ناۋرىز كٷنگٸ وتىرىستا حالىقارالىق ەكونوميكانىڭ تۇراقسىز احۋالىنا قاراماستان تٷركٸمەنستاننىڭ ماكروەكونوميكالىق كٶرسەتكٸشتەرٸ "تۇراقتى كٷيدە" قالدى دەپ مەلٸمدەگەن.
