الماتى تەاترىندا بەلگٸلٸ دراماتۋرگ, قر مەملەكەتتٸك سىيلىعىنىڭ لاۋرەاتى دۋلات يسابەكوۆتىڭ 80 جاس مەرەيتويىنا وراي, II حالىقارالىق «يسابەكوۆ ەلەمٸ» تەاتر فەستيۆالٸ باستالدى. فەستيۆال شىمىلدىعىن العاش رەت تٷركٸستان مۋزىكالىق دراما تەاترىندا ساحنالانعان «بٶرتە» سپەكتاكلٸ اشتى.
بٶرتە – ەلەم تاريحىنداعى ۇلى قايراتكەرلەردٸڭ بٸرٸ, شىڭعىس حاننىڭ قوڭىرات تايپاسىنان العان بٸرٸنشٸ ەيەلٸ. بٶرتەگە ارنالعان تۇڭعىش شىعارمانىڭ قازاق ساحناسىندا قويىلۋى دا «تۇڭعىش» ەكەنٸن اتاپ ايتۋ كەرەك. قويىلىم 10-11 جاستاعى تەمۋچين (شىڭعىس حاننىڭ شىن ەسٸمٸ) مەن بٶرتەنٸڭ العاش تانىسۋىنان باستالىپ, شىڭعىس قاعاننىڭ الىپ يمپەرييانى باسقارىپ تۇرعان كەزەڭٸن قامتيدى. بۇل كەزەڭدە تەمۋچين الاۋىزدىق جايلاعان موڭعول تايپالارىن بٸرتۇتاس مەملەكەتكە بٸرٸكتٸرٸپ, شىڭعىس قاعان اتانادى. شىڭعىس حان ەسكەرٸنٸڭ جەڭٸستٸ جورىعى قىتايدان باستالىپ, ۋكراينادا بولعان اتاقتى «قالقا ٶزەنٸ بويىنداعى شايقاسقا” دەيٸن جەتەدٸ. سپەكتاكلدە ٶجەت تە قايسار, اجارلى دا اقىلدى, باتىر دا باتىل, بٸر باسىندا دراماسى مەن تراگەديياسى جەتٸپ ارتىلاتىن قايسار ەيەل بٶرتە حانىمنىڭ عۇمىرى باياندالادى.
«بٶرتە» سپەكتاكلٸنٸڭ رەجيسسەرٸ يتالييالىق – داۆيدە ليۆەرمور, كٶركەمدٸك جەتەكشٸسٸ – اينۇر كٶپباساروۆا, كومپوزيتور – حاميت شانعاليەۆ, ەدەبي رەداكتور – شىنار وماروۆا, عىلىمي كەڭەسشٸ –تاريحشى, ت.ع.ك., نۇرلان اتىعاەۆ. رٶلدەردە – ەركەبۇلان دايىروۆ, لەيلو اقنازار, ەدٸل احمەتوۆ, قونىسبەك بەكايداروۆ, زەمزاگٷل بەكايداروۆا, اليحان يدرىشەۆا, نارتاي ساۋدانبەكۇلى, اقبوتا راحات, ەشٸم احمەتوۆ, تولقىن نۇربەكوۆا جەنە تٷركٸستان مۋزىكالىق دراما تەاترىنىڭ ەرتٸستەرٸ.
قويىلىم دەكوراتسييانىڭ شىنايلىعىمەن, ساحنالىق كيٸمدەردٸڭ تارتىمدىلىعىمەن, رەكۆيزيتتەردٸ شەبەرلەردٸڭ ارنايى دايىنداۋىمەن ەرەكشەلەنەدٸ.
